ഐ.പി.എല്ലില് കൊല്ക്കത്ത നൈറ്റ് റൈഡേഴ്സും സണ്റൈസേഴ്സ് ഹൈദരാബാദും തമ്മിലുള്ള വമ്പന് പോരാട്ടമാണ് നടക്കുന്നത്. കൊല്ക്കത്തയുടെ തട്ടകമായ ഈഡന് ഗാര്ഡന്സാണ് വേദി. മത്സരത്തില് ടോസ് നേടിയ കൊല്ക്കത്ത ഹൈദരാബാദിനെ ബാറ്റിങ്ങിന് അയച്ചിരിക്കുകയാണ്.
നിലവില് 12 ഓവര് പിന്നിട്ടപ്പോള് നാല് വിക്കറ്റ് നഷ്ടത്തില് 140 റണ്സാണ് ഹൈദരാബാദ് നേടിയത്. 12 റണ്സ് നേടിയ ഹെന്റിച്ച് ക്ലാസനും ഒമ്പത് റണ്സ് നേടിയ നിതീഷ് കുമാര് റെഡ്ഡിയുമാണ് ക്രീസിലുള്ളത്.
ഹൈദരാബാദിന് വേണ്ടി മികച്ച തുടക്കമാണ് ഓപ്പണര്മാരായ അഭിഷേക് ശര്മയും ട്രാവിസ് ഹെഡ്ഡും കാഴ്ചവെച്ചത്. 21 പന്തില് ആറ് ഫോറും മൂന്ന് സിക്സും ഉള്പ്പെടെ 46 റണ്സ് നേടിയാണ് താരം പുറത്തായത്. 219.05 എന്ന സ്ട്രൈക്ക് റേറ്റിലാണ് താരം ബാറ്റേന്തിയത്. കാര്തിക് ത്യാഗിക്കാണ് വിക്കറ്റ്.
അഭിഷേക് 21 പന്തില് നാല് സിക്സും നാല് ഫോറും ഉള്പ്പെടെ 48 റണ്സാണ് താരത്തിന്റെ ബാറ്റില് നിന്ന് പിറന്നത്. 228.57 എന്ന സ്ട്രൈക്ക് റേറ്റിലാണ് അഭിഷേകിന്റെ ബാറ്റിങ്.
കിടിലന് പ്രകടനം കാഴ്ചവെച്ച അഭിഷേക് ഒരു തകര്പ്പന് റെക്കോഡ് സ്വന്തമാക്കിയിരിക്കുകയാണ്. ഐ.പി.എല്ലില് 200+ സ്ട്രൈക്ക് റേറ്റില് 30+ റണ്സ് നേടിയ ഓപ്പണര്മാരുടെ ലിസ്റ്റില് മൂന്നാം സ്ഥാനത്തെത്താനാണ് അഭിഷേകിന് സാധിച്ചത്. മുന് ഓസീസ് താരം ഡേവിഡ് വാര്ണറിനൊപ്പമാണ് താരം റെക്കോഡ് പങ്കിടുന്നത്.
ഈ ലിസ്റ്റില് ഒന്നാം സ്ഥാനത്തുള്ളത് വിന്ഡീസ് കരുത്തന്മാരായ സുനില് ക്രിസ് ഗെയ്ലും സുനില് നരെയ്നുമാണ്. ലിസ്റ്റിലെ ഏഴാമന് ട്രാവിസ് ഹെഡ്ഡാണ്.
