![?php echo $post['title']; ?>](https://assets.doolnews.com/w/900x473/2026/05/vaibhav2.jpg)
ഐ.പിഎല്ലില്‍ സണ്റൈസേഴ്സ് ഹൈദരാബാദിനെതിരെയുള്ള എലിമിനേറ്റര്‍ പോരാട്ടത്തില്‍ മിന്നും പ്രകടനമാണ് വൈഭവ് സൂര്യവശി കാഴ്ചവെച്ചത്. ഓറഞ്ച് ആര്‍മിക്കെതിരെ വൈഭവ് 29 പന്തില്‍ 97 റണ്‍സാണ് അടിച്ചെടുത്തത്. അഞ്ച് ഫോറുകളും 12 കൂറ്റന്‍ സിക്സുകളും അടങ്ങുന്നതായിരുന്നു താരത്തിന്റെ വെടിക്കെട്ട് ഇന്നിങ്‌സ്. 334.48 എന്ന സ്‌ട്രൈക്ക് റേറ്റിലാണ് കുട്ടിത്താരം ഉദയ സൂര്യന്‍മാരെ അടിച്ചുപറത്തിയത്.
1⃣0⃣0⃣% pure box office 🍿
Vaibhav Sooryavanshi is named the Player of the Match 🏅
Relive his knock ▶️ https://t.co/LvujhtkB58 #TATAIPL | #Eliminator | #TheFinalLeap | #SRHvRR pic.twitter.com/9rLfJrJQd5
— IndianPremierLeague (@IPL) May 27, 2026
ഇതോടെ പല റെക്കോഡുകള്‍ സ്വന്തമാക്കാനും താരത്തിന് സാധിച്ചിരുന്നു. ക്രിസ് ഗെയ്‌ലിനെ മറികടന്ന ഒരു ഐ.പി.എല്‍ സീസണില്‍ ഏറ്റവും കൂടുതല്‍ സിക്‌സറുകള്‍ നേടുന്ന താരം എന്നിങ്ങനെ പല റെക്കോഡും വൈഭവ് നേടിയിരുന്നു.
എന്നാല്‍ താരത്തിന്റെ മറ്റൊരു റെക്കോഡും ഇപ്പോള്‍ ചര്‍ച്ചയാകുകയാണ്. ഒരു ഐ.പി.എല്‍ പ്ലേഓഫ് മത്സരത്തില്‍ ഏറ്റവും കൂടുതല്‍ സിക്‌സറുകള്‍ നേടുന്ന താരം എന്ന നേട്ടത്തിലാണ് വൈഭവ് തന്റെ വ്യക്തിമുദ്ര പതിപ്പിച്ചത്. ഈ നേട്ടത്തില്‍ ശുഭ്മന്‍ ഗില്ലിനെയും രജത് പടിദാറിനെയുമൊക്കെ വെട്ടിയാണ് വൈഭവ് കുതിച്ചത്.
12 sixes guys, 12! 🤯 pic.twitter.com/M0XvtWkdqD
— Rajasthan Royals (@rajasthanroyals) May 27, 2026
ഒരു ഐ.പി.എല്‍ പ്ലേഓഫ് മത്സരത്തില്‍ ഏറ്റവും കൂടുതല്‍ സിക്‌സര്‍ നേടുന്ന താരം, സിക്‌സ്, എതിരാളി, വര്‍ഷം എന്ന ക്രമത്തില്‍
വൈഭവ് സൂര്യവംശി – 12 – സണ്റൈസേഴ്സ് ഹൈദരാബാദ് – 2026
ശുഭ്മന്‍ ഗില്‍ – 10 – മുംബൈ ഇന്ത്യന്‍സ് – 2023
രജത് പടിദാര്‍ – 9 – ഗുജറാത്ത് ടൈറ്റന്‍സ് – 2026
ശ്രേയസ് അയ്യര്‍ – 8 – മുംബൈ ഇന്ത്യന്‍സ് – 2025
റെക്കോഡുകള്‍ക്ക് പുറമെ ഈ സീസണില്‍ 600 റണ്‍സ് പൂര്‍ത്തിയാക്കാനും വൈഭവിന് സാധിച്ചു. 15 ഇന്നിങ്‌സില്‍ 680 റണ്‍സുമായി താരം ഓറഞ്ച് ക്യാപ് ലിസ്റ്റില്‍ ഒന്നാമതാണ്. 242.86 എന്ന സ്‌ട്രൈക്ക് റേറ്റിലാണ് താരം സീസണില്‍ ബാറ്റ് വീശിയത്.
അതേസമയം മുല്ലാന്‍പൂരില്‍ നടന്ന മത്സരത്തില്‍ ടോസ് നഷ്ടപ്പെട്ട് ആദ്യം ബാറ്റ് ചെയ്ത രാജസ്ഥാന്‍ എട്ട് വിക്കറ്റ് നഷ്ടത്തില്‍ 243 റണ്‍സ് സ്വന്തമാക്കിയത്. എന്നാല്‍ മുപടി ബാറ്റിങ്ങിനിറങ്ങിയ ഹൈദരാബാദ് 19.2 ഓവറില്‍ 192 റണ്‍സിന് ഓള്‍ ഔട്ട് ആകുകയായിരുന്നു.
Same place. Same time. Milte hai parso 👊💗 pic.twitter.com/kNaASi08DW
— Rajasthan Royals (@rajasthanroyals) May 27, 2026
മത്സരത്തില്‍ വൈഭവിന് പുറമെ ധ്രുവ് ജുറെല്‍ അര്‍ധ സെഞ്ച്വറിയും നേടി തിളങ്ങി. 21 പന്തില്‍ അഞ്ച് ഫോറുകളും മൂന്ന് സിക്സുകളും അടക്കം 50 റണ്‍സാണ് റോയല്‍സ് വിക്കറ്റ് കീപ്പര്‍ സ്വന്തമാക്കിയത്. ഹൈദരാബാദിനായി ഉയര്‍ന്ന സ്‌കോര്‍ നേടിയത് 38 റണ്‍സ് നേടിയ നിതീഷ് കുമാര്‍ റെഡ്ഡിയാണ്.
ഹൈദരാബാദ് ബൗളിങ് നിരയില്‍ പ്രഫുല്‍ ഹിന്‍ജെ മൂന്ന് വിക്കറ്റുകള്‍ നേടി തിളങ്ങി. നിതീഷ് കുമാര്‍ റെഡ്ഡി, ഇഷാന്‍ മലിംഗ, ശിവാങ് കുമാര്‍ എന്നിവര്‍ ഓരോ വിക്കറ്റും സ്വന്തമാക്കി. ഹൈദരാബാദിനായി മൂന്ന് വിക്കറ്റ് നേടി പ്രഫുല്‍ ഹിംഗെ തിളങ്ങി.
Content Highlight: Vaibhav Sooryavanshi Creat Great Record Achievement In IPL Playoff
