![?php echo $post['title']; ?>](https://assets.doolnews.com/w/900x473/2023/09/tamil-nadu.jpg)
ചെന്നൈ: ലിംഗസമത്വത്തില്‍ പുതിയ ചരിത്രം കുറിച്ച് തമിഴ്‌നാട്. സംസ്ഥാനത്ത് മൂന്ന് യുവതികള്‍ ക്ഷേത്ര പൂജാരിമാരാകാനുള്ള പരിശീലനം പൂര്‍ത്തിയാക്കി. പൂജാരിമാര്‍ക്ക് പരിശീലനം നല്‍കുന്ന സര്‍ക്കാര്‍ പദ്ധതിയിലൂടെയാണ് എസ്. കൃഷ്ണവേണി, എസ്. രമ്യ, രഞ്ജിത എന്നിവര്‍ക്ക് അവസരമൊരുങ്ങിയത്. സംസ്ഥാനത്ത് ക്ഷേത്ര പുരോഹിതരാകാനുള്ള പരിശീലനം പൂര്‍ത്തിയാക്കുന്ന ആദ്യ വനിതകളാണിവര്‍.
பெண்கள் விமானத்தை இயக்கினாலும், விண்வெளிக்கே சென்று வந்தாலும் அவர்கள் நுழைய முடியாத இடங்களாகக் கோயில் கருவறைகள் இருந்தன. பெண் கடவுளர்களுக்கான கோயில்களிலும் இதுவே நிலையாக இருந்தது.
ஆனால், அந்நிலை இனி இல்லை! அனைத்துச் சாதியினரும் அர்ச்சகர் ஆகலாம் எனப் பெரியாரின் நெஞ்சில் தைத்த… https://t.co/U1JgDIoSxb
— M.K.Stalin (@mkstalin) September 14, 2023
പൂജാരിമാര്‍ വ്യാഴാഴ്ച മന്ത്രി പി.കെ. ശേഖര്‍ ബാബുവില്‍നിന്ന് സര്‍ട്ടിഫിക്കറ്റ് സ്വീകരിച്ചു.അശുദ്ധി ആരോപിച്ച് സ്ത്രീകളെ അകറ്റിനിര്‍ത്തിയ ചരിത്രം അവസാനിക്കുന്നുവെന്ന് മുഖ്യമന്ത്രി എം.കെ. സ്റ്റാലിന്‍ പറഞ്ഞു.
‘സമത്വത്തിന്റെ പുതു യുഗത്തിലേക്കുള്ള തുടക്കം. പൈലറ്റുമാരായും ബഹിരാകാശ യാത്രികരായും സ്ത്രീകള്‍ നേട്ടങ്ങള്‍ കൈവരിച്ചിട്ടും, ക്ഷേത്ര പൂജാരിമാരുടെ റോളില്‍ നിന്ന് അവരെ തടഞ്ഞു, ഇവരെ അശുദ്ധരായി കണക്കാക്കപ്പെടുന്നു. ഒടുവില്‍ മാറ്റം വന്നിരിക്കുന്നു,’ എം.കെ. സ്റ്റാലിന്‍ എക്‌സില്‍ കുറിച്ചു.
Content Highlight: Three women to become temple priests in Tamil Nadu
