ബയോഫാര്മസ്യൂട്ടിക്കല് നിര്മാണം, മെഡിക്കല് ടൂറിസം, ആയുര്വേദ മരുന്നുകളുടെ നിര്മാണം എന്നിവയുടെ കേന്ദ്രമായി ഇന്ത്യയെ ഉയര്ത്തും. അടുത്ത അഞ്ച് വര്ഷത്തേക്ക് പതിനായിരം കോടി രൂപ ചെലവില് ബയോഫാര്മ ശക്തി മിഷന് വരും. ഒരു ബയോഫാര്മ ഹബ്ബ് സൃഷ്ടിക്കുകയാണ് ലക്ഷ്യമെന്നും മന്ത്രി പ്രഖ്യാപിച്ചു.
പ്രമേഹം, കാന്സര്, ഓട്ടോ ഇമ്മ്യൂണ് ഡിസോര്ഡേഴ്സ് തുടങ്ങിയ രോഗങ്ങള്ക്കുള്ള മരുന്നുകളുടെ വില കുറയ്ക്കാനുള്ള നടപടികള് സ്വീകരിക്കും. താങ്ങാവുന്ന വിലയിലുള്ള മരുന്നുകള് ലഭ്യമാക്കുകയാണ് ലക്ഷ്യമെന്നും മന്ത്രി പ്രഖ്യാപിച്ചു.
ഇതിനായി മൂന്ന് പുതിയ നാഷണല് ഇന്സ്റ്റിറ്റ്യൂട്ട് ഫാര്മസ്യൂട്ടിക്കള് എഡ്യൂക്കേഷന് ആന്റ് റിസേര്ച്ച് (എന്.ഐ.പി.ഇ.ആര്) സ്ഥാപിക്കും. ഏഴ് ഇന്സ്റ്റിറ്റ്യൂട്ടുകളെ അപ്ഗ്രേഡ് ചെയ്യുമെന്നും മന്ത്രി പ്രഖ്യാപിച്ചു.
ഇതോടൊപ്പം 1,000 അംഗീകൃത ക്ലിനിക്കല് ട്രയല് സൈറ്റുകളും സ്ഥാപിക്കും.
ഈ ഹബ്ബുകളില് ആയുഷ് കേന്ദ്രങ്ങള്, മെഡിക്കല് ടൂറിസം കേന്ദ്രങ്ങള്, രോഗ നിര്ണയ സൗകര്യങ്ങള്, പോസ്റ്റ് കെയര്, പുനരധിവാസ കേന്ദ്രം എന്നിവയുണ്ടായിരിക്കുമെന്നും മന്ത്രി പ്രഖ്യാപിച്ചു.
Content Highlight: Three Ayurvedic AIIMS will be established; biopharma hub will be created: Finance Minister
