ശ്രീലങ്കക്കെതിരെയുള്ള രണ്ട് ടെസ്റ്റ് മത്സരങ്ങളുടെ പരമ്പരക്കുള്ള തയ്യാറെടുപ്പിലാണ് ഇന്ത്യന് ക്രിക്കറ്റ് ടീം. പരമ്പരയിലെ ആദ്യ മത്സരം ഓഗസ്റ്റ് 15 മുതല് 19 ഗല്ലെയിലാണ് നടക്കുന്നത്. രണ്ടാം മത്സരം ഓഗസ്റ്റ് 23 മുതല് 27 വരെ കൊളംബോയിലും നടക്കും. ഈ പരമ്പരക്കുള്ള ഇന്ത്യന് ടീമിനെ പ്രഖ്യാപിച്ചിരുന്നു.
വിക്കറ്റ് കീപ്പറായി റിഷബ് പന്താണ് ടീമില് ഇടം നേടിയത്. 2026 ഐ.പി.എല്ലില് ലഖ്നൗ സൂപ്പര് ജയന്റ്സിനൊപ്പം നിരാശപ്പെടുത്തിയ പ്രകടനം നടത്തിയ റിഷബ് പന്തിന്റെ തിരിച്ചുവരവാണ് ഈ പരമ്പരയില് ആരാധകര് ഉറ്റുനോക്കുന്നത്.
റിഷബ് പന്തിന് ഈ പരമ്പരയില് തിളങ്ങാന് സാധിച്ചാല് ഒരു ചരിത്രനേട്ടവും സ്വന്തമാക്കാന് സാധിക്കും. ടെസ്റ്റ് ക്രിക്കറ്റില് ഇന്ത്യക്ക് വേണ്ടി 100 സിക്സുകള് നേടുന്ന ആദ്യ താരമെന്ന നേട്ടമാണ് പന്തിന്റെ മുന്നിലുള്ളത്. ഇതുവരെ 50 ടെസ്റ്റില് 87 ഇന്നിങ്സുകളില് നിന്നും 97 സിക്സുകളാണ് പന്ത് അടിച്ചെടുത്തത്.
മൂന്ന് സിക്സുകള് നേടാനായാല് ഈ ചരിത്രനേട്ടവും പന്തിന് സ്വന്തമാക്കാനാവും. ടെസ്റ്റില് മൂന്ന് താരങ്ങള് മാത്രമാണ് 100 സിക്സുകള് നേടിയിട്ടുള്ളൂ. ബെന് സ്റ്റോക്സ്, ബ്രെണ്ടന് മക്കല്ലം, ആദം ഗില്ക്രിസ്റ്റ് എന്നിവരാണ് ഈ നേട്ടം കൈവരിച്ചിട്ടിട്ടുള്ളത്. ആറ് സിക്സുകള് കൂടി നേടിയാല് ഈ ലിസ്റ്റില് നാലാമനാവാനും പന്തിന് സാധിക്കും.
Photo: BCCI/x.com
ടെസ്റ്റില് ഏറ്റവും കൂടുതല് സിക്സുകള് നേടിയ താരം, സിക്സുകളുടെ എണ്ണം, ടീം
അഫ്ഗാനിസ്ഥാനെതിരെയുള്ള വണ് ഓഫ് ടെസ്റ്റില് പന്ത് മികച്ച പ്രകടനമാണ് നടത്തിയത്. അഫ്ഗാനെതിരെ 121 പന്തുകള് നേരിട്ട് 81 റണ്സാണ് താരം നേടിയത്. മൂന്ന് സിക്സറുകളും ആറ് ഫോറുകളുമാണ് വിക്കറ്റ് കീപ്പര് സ്കോറുടെ ഇന്നിങ്സ്. ഈ പ്രകടനം ലങ്കക്കെതിരെയും ആവര്ത്തിക്കുമെന്നാണ് ആരാധകര് പ്രതീക്ഷിക്കുന്നത്.
