![?php echo $post['title']; ?>](https://assets.doolnews.com/w/900x473/2024/07/palastine-1.jpg)
പാരീസ്: പാരീസ് ഒളിമ്പിക്സ് ഉദ്ഘാടന വേദിയില് ഫലസ്തീന് പതാകയുമായി കാണികളുടെ പ്രതിഷേധം. കഴിഞ്ഞ ദിവസം നടന്ന ഒളിമ്പിക്സ് ഗെയിംസിന്റെ ഉദ്ഘാടന ചടങ്ങിനിടെയാണ് ഇസ്രഈലിനെതിരെ കാണികള് പ്രതിഷേധം നടത്തിയത്.
ഉദ്ഘാടന ചടങ്ങില് ഫലസ്തീനില് നിന്നുള്ള ഒളിമ്പിക് ടീം പങ്കെടുത്തപ്പോഴാണ് കാണികള് ആഹ്ലാദ പ്രകടനം നടത്തിയത്. ഫലസ്തീന് പതാക ഉയര്ത്തിയും ഫ്രീ ഫലസ്തീന് മുദ്രാവാക്യം വിളിച്ചുമാണ് കാണികള് ഫലസ്തീന് ടീമിനെ വരവേറ്റത്. സംഭവത്തിന്റെ ദൃശ്യങ്ങളും ഇപ്പോള് സമൂഹമാധ്യമങ്ങളില് വ്യാപകമായി പ്രചരിക്കുന്നുണ്ട്.
