![?php echo $post['title']; ?>](https://assets.doolnews.com/w/900x473/2023/06/messi-neymar.jpg)
ഫ്രഞ്ച് വമ്പന് ക്ലബ്ബായ പി.എസി.ജിയില് നിന്ന് ഇതിഹാസതാരം ലയണല് മെസി ഇറങ്ങിയതിന് പിന്നാലെ തരംഗമായി നെയ്മറുടെ ഇന്സ്റ്റഗ്രാം പോസ്റ്റ്. മെസിക്ക് ആശംസ രേഖപ്പെടുത്തിയ നെയ്മര് കാര്യങ്ങള് തങ്ങള് വിചാരിച്ചത് പോലെ സംഭവിച്ചില്ലെന്നും എന്നാല് കഴിവതും ശ്രമിച്ചുവെന്നും പോസ്റ്റില് കുറിച്ചു. മെസിക്കൊപ്പമുള്ള ചിത്രം പങ്കുവെച്ചുകൊണ്ടായിരുന്നു നെയ്മര് മെസിക്കുള്ള ആശംസ സന്ദേശം കുറിച്ചത്.
‘ബ്രദര്, നമ്മള് വിചാരിച്ചത് പോലെയൊന്നും കാര്യങ്ങള് നടന്നില്ല. പക്ഷെ നമ്മള് പരമാവധി ശ്രമിച്ചിട്ടുണ്ട്. നിങ്ങള്ക്കൊപ്പം രണ്ടില് കൂടുതല് വര്ഷം ചെലവഴിക്കാനായതില് സന്തോഷം. കരിയറിലെ പുതിയ ഘട്ടത്തിലേക്ക് കടക്കുന്ന നിങ്ങള്ക്ക് എല്ലാവിധ ആശംസകളും നേരുന്നു. സന്തോഷമായിരിക്കൂ. ഞാന് നിങ്ങളെ സ്നേഹിക്കുന്നു,’ നെയ്മര് ഇന്സ്റ്റഗ്രാമില് കുറിച്ചു.
