![?php echo $post['title']; ?>](https://assets.doolnews.com/w/900x473/2026/06/gill-4.jpg)
അഫ്ഗാനിസ്ഥാനെതിരെയുള്ള മൂന്ന് ഏകദിന മത്സരങ്ങളുടെ പരമ്പരയിലെ ആദ്യ മത്സരത്തില്‍ ഇന്ത്യക്ക് ഏഴ് വിക്കറ്റിന്റെ തകര്‍പ്പന്‍ വിജയം. ധര്‍മശാലയില്‍ നടന്ന മത്സരത്തില്‍ മഴമൂലം 25 ഓവറാക്കി ചുരുക്കിയ മത്സരത്തില്‍ ആദ്യം ബാറ്റ് ചെയ്ത അഫ്ഗാനിസ്ഥാന്‍ 194 റണ്‍സിന് പുറത്തായി. വിജയലക്ഷ്യം പിന്തുടര്‍ന്നിറങ്ങിയ ഇന്ത്യ 13 പന്തുകളും ഏഴ് വിക്കറ്റുകളും ബാക്കിനില്‍ക്കെ ലക്ഷ്യം മറികടന്നു.
5️⃣0️⃣ up for #TeamIndia in the run chase 👌
Ishan Kishan joins Captain Shubman Gill in the middle 🤝
Updates ▶️ https://t.co/lCuohEZYAl #INDvAFG | @IDFCFIRSTBank | @ShubmanGill | @ishankishan51 pic.twitter.com/VZJVCH8aLV
— BCCI (@BCCI) June 13, 2026
അര്‍ധ സെഞ്ച്വറി നേടിയ ക്യാപ്റ്റന്‍ ശുഭ്മന്‍ ഗില്ലിന്റെ കരുത്തിലാണ് ഇന്ത്യ ജയിച്ചു കയറിയത്. 66 പന്തില്‍ പുറത്താവാതെ 84 റണ്‍സ് നേടിയാണ് ഗില്‍ തിളങ്ങിയത്. 11 ഫോറുകളും രണ്ട് സിക്‌സുകളുമായിരുന്നു ഇന്ത്യന്‍ ക്യാപ്റ്റന്റെ ബാറ്റില്‍ നിന്നും പിറന്നത്.
19 പന്തില്‍ പുറത്താവാതെ 39 റണ്‍സ് നേടി കെ.എല്‍ രാഹുലും 22 പന്തില്‍ 34 റണ്‍സ് നേടി ഇഷാന്‍ കിഷനും ഇന്ത്യന്‍ ടീമിന്റെ വിജയത്തില്‍ നിര്‍ണായകമായി.
ആദ്യം ബാറ്റ് ചെയ്ത അഫ്ഗാന്‍ സെഞ്ച്വറി നേടിയ റഹ്‌മാനുള്ള ഗുര്‍ബാസിന്റെ കരുത്തിലാണ് മികച്ച സ്‌കോര്‍ നേടിയത്. മത്സരത്തില്‍ 51 പന്തില്‍ 102 റണ്‍സ് നേടിയാണ് ഗുര്‍ബാസ് കരുത്തുകാട്ടിയത്. 200 സ്‌ട്രൈക്ക് റേറ്റില്‍ ബാറ്റ് വീശിയ അഫ്ഗാന്‍ താരം എട്ട് വീതം ഫോറുകളും സിക്‌സുകളുമാണ് അടിച്ചെടുത്തത്.
ഇന്ത്യന്‍ ബൗളിങ്ങില്‍ അരങ്ങേറ്റ മത്സരത്തില്‍ തന്നെ ഹര്‍ഷ് ദുബെയും ഗുര്‍നൂര്‍ ബ്രാറും മൂന്ന് വിക്കറ്റുകള്‍ നേടി മിന്നും പ്രകടനമാണ് കാഴ്ചവെച്ചത്. അര്‍ഷ്ദീപ് സിങ്, നിതീഷ് കുമാര്‍ റെഡ്ഢി എന്നിവര്‍ രണ്ട് വീതം വിക്കറ്റുകളും സ്വന്തമാക്കി.
അതേസമയം ഈ വിജയത്തോടെ മൂന്ന് മത്സരങ്ങളുടെ പരമ്പരയില്‍ 2-1ന് മുന്നിലെത്താനും ഗില്ലിനും സംഘത്തിനും സാധിച്ചു. ജൂണ്‍ 17നാണ് പരമ്പരയിലെ രണ്ടാം മത്സരം നടക്കുന്നത്. ഏകാനാ ക്രിക്കറ്റ് സ്റ്റേഡിയത്തില്‍ നടക്കുന്ന മത്സരത്തില്‍ വിജയിക്കാന്‍ സാധിച്ചാല്‍ ഇന്ത്യയ്ക്ക് പരമ്പര സ്വന്തമാക്കാനാവും. മറുഭാഗത്ത് പരമ്പര കൈവിടാതിരിക്കാന്‍ അഫ്ഗാനിസ്ഥാനും വിജയം അനിവാര്യമാണ്.
Content Highlight: India beat Afghanistan in first odi match
