![?php echo $post['title']; ?>](https://assets.doolnews.com/w/900x473/2022/08/1-2.jpg)
സാനിറ്ററി പാഡിന് മേല് ശ്രീകൃഷ്ണന്റെ ചിത്രം സ്ഥാപിച്ചുകൊണ്ട് സിനിമാ പോസ്റ്റര് പുറത്തിറക്കിയ സംഭവത്തില് കേസെടുത്ത് പൊലീസ്. ഉത്തര്പ്രദേശ് പൊലീസാണ് സംവിധായകനെതിരെ എഫ്.ഐ.ആര് രജിസ്റ്റര് ചെയ്ത് കേസെടുത്തത്.
മാസൂം സവാല് (Masoom Sawaal) എന്ന സിനിമയുടെ പോസ്റ്ററിനെതിരെ പരാതികള് ലഭിച്ചതിനെ തുടര്ന്നാണ് എഫ്.ഐ.ആര് രജിസ്റ്റര് ചെയ്തത്. ഹിന്ദുരാഷ്ട്ര നവ്നിര്മാണ് സേന പ്രസിഡന്റ് അമിത് റാത്തോറിന്റെ പരാതിയിന്മേലാണ് കേസ്.
‘മതവികാരം വ്രണപ്പെടുത്തി’ എന്ന് ആരോപിച്ചാണ് ചിത്രത്തിന്റെ സംവിധായകന് സന്തോഷ് ഉപാധ്യായ്, നിര്മാതാവ് രഞ്ജന ഉപാധ്യായ്, മറ്റ് അണിയറ പ്രവര്ത്തകര് എന്നിവര്ക്കെതിരെ കേസെടുത്തത്. ശ്രീകൃഷ്ണനെ സാനിറ്ററി പാഡില് കാണിക്കുന്ന രീതിയില് മാസൂം സവാലിന്റെ നിര്മാതാവ് പോസ്റ്റര് പുറത്തുവിട്ടു എന്നാണ് പരാതിയില് പറയുന്നത്.
