![?php echo $post['title']; ?>](https://assets.doolnews.com/w/900x473/2019/09/dk-1.jpg)
ബെംഗളൂരു: കര്ണാടക കോണ്ഗ്രസ് നേതാവ് ഡി.കെ ശിവകുമാര് അറസ്റ്റില്. കള്ളപ്പണം വെളുപ്പിക്കല് കേസിലാണ് നാലു ദിവസത്തെ ചോദ്യം ചെയ്യലിനു ശേഷം ശിവകുമാറിനെ എന്ഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്തത്.
ശിവകുമാര് ചോദ്യം ചെയ്യലിനോടു സഹകരിക്കുന്നില്ലെന്നാണ് എന്ഫോഴ്സ്മെന്റ് ആദ്യഘട്ടത്തില് നല്കുന്ന വിശദീകരണം. ഏഴുകോടി രൂപയുടെ സാമ്പത്തിക ക്രമക്കേടാണ് ശിവകുമാറിനെതിരെ എന്ഫോഴ്സ്മെന്റ് ആരോപിച്ചിരിക്കുന്നത്.
ഓഗസ്റ്റ് 30 നും 31 നും അദ്ദേഹം ഇ.ഡിക്ക് മുന്പില് ഹാജരായ അദ്ദേഹം താന് ഒരു തെറ്റും ചെയ്തിട്ടില്ലെന്നും അന്വേഷണവുമായി പൂര്ണമായി സഹകരിക്കുമെന്നും വ്യക്തമാക്കിയിരുന്നു.
വാര്ത്തകള് ടെലഗ്രാമില് ലഭിക്കാന് ഇവിടെ ക്ലിക്ക് ചെയ്യൂ
അറസ്റ്റ് തടയണണമെന്ന ശിവകുമാറിന്റെ ഹരജി കര്ണാടക ഹൈക്കോടതി തള്ളിയതിന് പിന്നാലെയായിരുന്നു ചോദ്യം ചെയ്യലിന് ഹാജരാകണമെന്ന് കാണിച്ച് ഇ.ഡി സമന്സ് അയച്ചത്.
പാര്ട്ടിയുടെ മുന്നിര നേതാക്കന്മാരെ ബി.ജെ.പി വേട്ടയാടുകയാണെന്നും കേസിനെ നിയമപരമായി തതന്നെ നേരിടുമെന്നും കോണ്ഗ്രസ് പ്രതികരിച്ചിരുന്നു. അധികാര ദുര്വിനിയോഗമാണ് ബി.ജെ.പി നടത്തുന്നതെന്നും പ്രതിപക്ഷ നേതാക്കളാണ്അവരുടെ ലക്ഷ്യമെന്നും കോണ്ഗ്രസ് പ്രതികരിച്ചിരുന്നു.
പൊതുജനങ്ങള്ക്കിടയില് പേരുള്ള നേതാക്കള്ക്കെതിരെ അടിസ്ഥാന രഹിതമായ ആരോപണങ്ങള് ചുമത്തിയും ഗൂഢാലോചന നടത്തിയും കേസുകളില് കുടുക്കുകയാണെന്നും അവര് പറഞ്ഞിരുന്നു.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
തന്റെ മകന്റെ വളര്ച്ചയില് അസൂയപൂണ്ടവരാണ് ഇപ്പോള് ഇത്തരത്തില് ഒരു കേസ് കെട്ടിച്ചമച്ചതെന്നും സഹാനുഭൂതിയെന്ന ഒരു വികാരം ബി.ജെ.പിക്ക് ഇല്ലെന്നും ഡി.കെയുടെ അമ്മ പ്രതികരിച്ചിരുന്നു.
ഗണശ ചതുര്ത്ഥി പ്രമാണിച്ച് ഹാജരാകുന്നതിന് ഒരു ദിവസത്തെ സാവകാശം ശിവകുമാര് ചോദിച്ചിരുന്നെങ്കിലും ഇ.ഡി അനുവദിച്ചിരുന്നില്ല. വീട്ടില് നടക്കുന്ന പ്രത്യേക പൂജകളിലൊന്നും പങ്കെടുക്കാനാവാതെയായിരുന്നു ശിവകുമാര് ദല്ഹിക്ക് തിരിച്ചത്.
