![?php echo $post['title']; ?>](https://assets.doolnews.com/w/900x473/2020/08/p-rajeev-1.jpg)
കൊച്ചി: മാധ്യമ പ്രവര്ത്തക നിഷ പുരുഷോത്തമനെതിരെ അധിക്ഷേപ പോസ്റ്റ ഇട്ട ഉദ്യോഗസ്ഥനോട് വിശദീകരണം ചോദിച്ച് ദേശാഭിമാനി. ദേശാഭിമാനി ചീഫ് എഡിറ്റര് പി. രാജീവാണ് ഇക്കാര്യം അറിയിച്ചത്.
ദേശാഭിമാനിയിലെ ഉദ്യോഗസ്ഥനായ വിനീത് വി.യു ആണ് നിഷ പുരുഷോത്തമനെതിരെ ഫേസ്ബുക്കില് അധിക്ഷേപ പോസ്റ്റിട്ടത്. ഇതിനെതിരെ പ്രതിഷേധമുയര്ന്നിരുന്നു. അതിന് പിന്നാലെയാണ് നടപടി.
പി. രാജീവിന്റെ പ്രതികരണം
ദേശാഭിമാനിയില് സര്ക്കുലേഷന് വിഭാഗത്തില് താല്ക്കാലികാടിസ്ഥാനത്തില് ജോലി ചെയ്യുന്നയാളുടെ വ്യക്തിപരമായ ഫേസ് ബുക്ക് അക്കൗണ്ടില് നിന്നും മനോരമ ചാനലിലെ മാധ്യമ പ്രവര്ത്തകയെ വ്യക്തിപരമായി അധിക്ഷേപിക്കുന്ന പോസ്റ്റിട്ടതു ശ്രദ്ധയില്പ്പെടുകയുണ്ടായി. ഇത്തരം രീതികളോട് ദേശാഭിമാനിക്ക് യോജിപ്പില്ല. ദേശാഭിമാനിയുടെ പേജില് നിന്നല്ലെങ്കില് പോലും പത്രവുമായി ബന്ധപ്പെട്ട് പ്രവര്ത്തിക്കുന്നവരുടെ ഭാഗത്തു നിന്നു മാത്രമല്ല ആരില് നിന്നും ഇത്തരം പ്രവണതകള് ഉണ്ടാകാന് പാടില്ലെന്നതാണ് സമീപനം. ഇതു സബന്ധിച്ച് ആ വ്യക്തിയോട് വിശദീകരണം ചുമതലപ്പെട്ടവര് ചോദിച്ചിട്ടുണ്ട്.
രാഷ്ട്രീയമായ വിമര്ശനങ്ങളാകാം. വ്യക്തിപരമായ അധിക്ഷേപവും സ്വകാര്യതകളിലേക്കുള്ള നുഴഞ്ഞുകയറ്റവും ആധുനിക സമൂഹത്തിനു യോജിക്കുന്നതല്ല. മോര്ഫിങ്ങുകളും നിര്മ്മിത കഥകളും വഴി പാര്ടി നേതാക്കളെ മാത്രമല്ല കുടുംബാംഗങ്ങളെ വരെ വ്യക്തിഹത്യ ചെയ്യുന്ന രീതി സാമൂഹ്യ മാധ്യമങ്ങളിലൂടെ എതിരാളികള് നടത്തുന്നുണ്ടെങ്കിലും ഞങ്ങള്ക്ക് അത്തരം രീതികളോട് യോജിപ്പില്ല. വ്യക്തി അധിക്ഷേപ രീതികളെ ഞങ്ങള് തള്ളിപ്പറയുന്നു.
ഡൂള്ന്യൂസിനെ ഫേസ്ബുക്ക്, ടെലഗ്രാം,പേജുകളിലൂടെയും വാട്സാപ്പിലൂടെയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഡൂള്ന്യൂസിന്റെ സ്വതന്ത്ര മാധ്യമപ്രവര്ത്തനത്തെ സാമ്പത്തികമായി സഹായിക്കാന് ഇവിടെ ക്ലിക്ക് ചെയ്യൂ
