മുഖ്യമന്ത്രി ചര്ച്ച വൈകുന്നത് തെരഞ്ഞെടുപ്പ് വിജയത്തിന് മങ്ങലേല്പ്പിക്കുന്നു; അതൃപ്തിയെന്ന് ലീഗ്
നിഷാന. വി.വി
Monday, 11th May 2026, 2:26 pm
മലപ്പുറം: മുഖ്യമന്ത്രി ചര്ച്ച നീണ്ടുപോവുന്നതില് മുസ്ലിം ലീഗിന് അതൃപ്തിയെന്ന് മലപ്പുറം ജില്ലാ ജനറല് സെക്രട്ടറി പി.അബ്ദുല് ഹമീദ്.
യു.ഡി.എഫിന്റെ വലിയ വിജയത്തിന് മങ്ങലേല്പ്പിക്കുന്ന സാഹചര്യമാണിതെന്നും നിയമസഭാ തെരഞ്ഞെടുപ്പ് വിജയിച്ച നേതാക്കളുടെ സ്വീകരണ പരിപാടികള് പോലും മാറ്റിവെക്കേണ്ട സ്ഥിതി വിശേഷമാണുള്ളതെന്നും അബ്ദുല് ഹമീദ് പറഞ്ഞു.
വിഷയത്തില് പാര്ട്ടി പ്രവര്ത്തകര് നിരാശരാണ്. ഇതിനാണോ ഞങ്ങളെക്കൊണ്ട് വോട്ട് ചെയ്യിപ്പിച്ചത് എന്നാണ് പ്രവര്ത്തകര് ചോദിക്കുന്നത്. തീരുമാനം വൈകുന്നതില് അതൃപ്തിയുണ്ട്, ഇല്ലെന്ന് പറയാനാവില്ല.
