അന്ന് ദുല്ഖറിനെ കാണാന് പോയത് കൊണ്ടാകാം ഞാന് മഞ്ഞുമ്മലില് എത്തിയത്: ചന്തു സലിംകുമാര്
എന്റര്ടെയിന്മെന്റ് ഡെസ്ക്
Wednesday, 20th August 2025, 1:14 pm
2024ല് മഞ്ഞുമ്മല് ബോയ്സ് എന്ന സിനിമയിലൂടെ വലിയ ശ്രദ്ധ നേടിയ നടനാണ് ചന്തു സലിംകുമാര്. ചിത്രത്തിലെ അഭിലാഷ് എന്ന കഥാപാത്രം ചന്തുവിന് വലിയ റീച്ച് നേടിക്കൊടുത്തിരുന്നു.
മഞ്ഞുമ്മല് ബോയ്സ് സിനിമയില് നടന് സൗബിന് ഷാഹിറും ഒരു പ്രധാനവേഷത്തില് എത്തിയിരുന്നു. ഒപ്പം ചിത്രത്തിന്റെ നിര്മാതാക്കളില് ഒരാള് കൂടിയായിരുന്നു സൗബിന്. ഇപ്പോള് താന് മഞ്ഞുമ്മലിലേക്ക് എത്തിയത് എങ്ങനെയാകാമെന്ന് പറയുകയാണ് ചന്തു സലിംകുമാര്.
പണ്ട് താന് ദുല്ഖര് സല്മാനെ കാണാന് വേണ്ടി ഒരു യമണ്ടന് പ്രേമകഥ സിനിമയുടെ ലൊക്കേഷനില് പോയിരുന്നുവെന്നും അന്ന് അവിടെ വെച്ചാണ് സൗബിന് ഷാഹിര് തന്നെ ശ്രദ്ധിക്കുന്നതെന്നും ചന്തു പറയുന്നു.
ഈ സിനിമയിലേക്ക് താന് എത്തിയതിനെ കുറിച്ചും ചന്തു സലിംകുമാര് പറയുന്നു. കാസ്റ്റിങ് ഡയറക്ടറായ വിവേകിനെ യാഥൃശ്ചികമായ കാണുകയും താന് അടുത്തേക്ക് ചെന്ന് സംസാരിക്കുകയും ചെയ്തത് കാരണമാണ് താന് ലോകഃയില് എത്തിയത് എന്നാണ് നടന് പറയുന്നത്.