അയർലാൻഡ് പരമ്പരയ്ക്ക് മുമ്പ് വെടിക്കെട്ടുമായി വൈസ് ക്യാപ്റ്റൻ; സെഞ്ച്വറി തിളക്കം

തെലങ്കാന ടി – 20ലീഗിൽ തകർപ്പൻ സെഞ്ച്വറിയടിച്ച് ഇന്ത്യൻ വൈസ് ക്യാപ്റ്റൻ തിലക് വർമ. മേഡക് ഫാൽക്കൺസും വാറങ്കൽ വാറിയേഴ്സും തമ്മിലുള്ള മത്സരത്തിലാണ് താരത്തിന്റെ മിന്നും പ്രകടനം. ത്രിരാഷ്ട്ര പരമ്പരയിൽ ഇന്ത്യ എയെ കിരീടമണിയിച്ചതിന് ശേഷമാണ് താരത്തിന്റെ ഈ പ്രകടനം എന്നതും ശ്രദ്ധയമാണ്.

ഫാൽക്കൺസിന്റെ ക്യാപ്റ്റനായ തിലക് 56 പന്തുകൾ നേരിട്ട് 136 റൺസെടുത്ത് പുറത്താവാതെ നിന്നു. എട്ട് സിക്സറുകളും 14 ഫോറുകളുമാണ് താരത്തിന്റെ ബാറ്റിൽ നിന്ന് അതിർത്തി കടന്നത്. 242.85 സ്ട്രൈക്ക് റേറ്റിലായിരുന്നു താരത്തിന്റെ ബാറ്റിങ്. ഈ പ്രകടനം ടീമിന് വിജയം സമ്മാനിക്കുകയും ചെയ്തു.