എല്.ഡി.എഫ്-യു.ഡി.എഫ് സര്ക്കാര് വന്നാല് കേരളത്തില് ലവ് ജിഹാദ് നടപ്പിലാക്കും; പി.കെ. കൃഷ്ണദാസിന്റെ പരാമര്ശത്തില് റിപ്പോര്ട്ട് തേടി തെര. കമ്മീഷന്
ആദര്ശ് എം.കെ.
Monday, 6th April 2026, 2:29 pm
തിരുവനന്തപുരം: ബി.ജെ.പി ദേശീയ നിര്വാഹക സമിതി അംഗവും കാട്ടാക്കടയിലെ എന്.ഡി.എ സ്ഥാനാര്ത്ഥിയുമായ പി.കെ. കൃഷ്ണദാസിന്റെ മതവിദ്വേഷ പ്രസംഗത്തില് കളക്ടറോട് റിപ്പോര്ട്ട് തേടി തെരഞ്ഞെടുപ്പ് കമ്മീഷന്.
എല്.ഡി.എഫ്, യു.ഡി.എഫ് സര്ക്കാരുകള് കേരളത്തില് അധികാരത്തില് വന്നാല് ഹിന്ദു, ക്രൈസ്തവ കുടുംബങ്ങളിലെ പെണ്കുട്ടികളെ ലവ് ജിഹാദിന്റെ ഭാഗമാക്കി രാജ്യദ്രോഹ പ്രവര്ത്തനങ്ങള്ക്ക് റിക്രൂട്ട് ചെയ്യുമെന്ന കൃഷ്ണദാസിന്റെ വിവാദ പരാമര്ശത്തിലാണ് തെരഞ്ഞെടുപ്പ് കമ്മീഷന് റിപ്പോര്ട്ട് ആവശ്യപ്പെട്ടിരിക്കുന്നത്.
