'കളി തോറ്റതിന്റെ ദേഷ്യം, ധവാന്റെ മുഖത്തടിച്ച് പിതാവ്'; വീഡിയോ

കഴിഞ്ഞ സീസണിലെ പോലെ ഇത്തവണയും പഞ്ചാബ് കിംഗ്‌സിന് ആദ്യ നാലില്‍ പ്രവേശിക്കാന്‍ സാധിച്ചില്ല. 14 മത്സരത്തില്‍ നിന്നും ഏഴ് വീതം ജയവും തോല്‍വിയും വഴങ്ങി പോയിന്റ് പട്ടികയില്‍ ആറാമതായാണ് കിംഗ്‌സ് ഫിനിഷ് ചെയ്തത്.

പല റെക്കോഡുകളും മികച്ച പ്രകടനങ്ങളും പഞ്ചാബ് പുറത്തെടുത്തിരുന്നുവെങ്കിലും ആദ്യ നാലിലെ സ്ഥാനം മാത്രം അകന്നുനിന്നു. കഴിഞ്ഞ നാല് സീസണായി ടീം ആറാം സ്ഥാനത്ത് തന്നെയായിരുന്നു.

ഇപ്പോഴിതാ നോക്കൗട്ടില്‍ പ്രവേശിക്കാത്തതിന് പഞ്ചാബിന്റെ സൂപ്പര്‍ താരം ശിഖര്‍ ധവാനെ പിതാവ് ‘മുഖത്തടിക്കുന്ന’ വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ തരംഗമാവുന്നത്. ശിഖര്‍ ധവാന്‍ തന്റെ സമൂഹമാധ്യമ അക്കൗണ്ടുകളിലൂടെയാണ് വീഡിയോ പങ്കുവെച്ചത്.

‘നോക്കൗട്ടിന് യോഗ്യത നേടാത്തതില്‍ അച്ഛന്റെ വക നോക്കൗട്ട്’ എന്ന ക്യാപ്ഷനോടെയാണ് ധവാന്‍ രസകരമായ വീഡിയോ പങ്കുവെച്ചത്.