![?php echo $post['title']; ?>](https://assets.doolnews.com/w/900x473/2022/09/gold-2.jpg)
പ്രേമം ഇറങ്ങി ഏഴ് വര്ഷത്തെ ഇടവേളക്ക് ശേഷമെത്തുന്ന അല്ഫോണ്സ് പുത്രന് ചിത്രമാണ് ഗോള്ഡ്. പൃഥ്വിരാജും നയന്താരയും ഒന്നിച്ചെത്തുന്ന ചിത്രമായതിനാലും ഗോള്ഡില് വന് പ്രതീക്ഷകളാണ് ആരാധകര്ക്കുള്ളത്. ഇപ്പോള് പൃഥ്വിരാജിന്റെ കരിയറിലെ തന്നെ ഏറ്റവും ഉയര്ന്ന പ്രീ റിലീസ് സ്വന്തമാക്കിയിരിക്കുകയാണ് ഗോള്ഡ്.
അമ്പത് കോടിയലിധികം രൂപ ആണ് ചിത്രം പ്രീ റിലീസ് ബിസിനസ് വഴി സ്വന്തമാക്കിയതെന്നാണ് അണിയറപ്രവര്ത്തകര് അവകാശപ്പെടുന്നത്. ഡിസംബര് ഒന്നിന് തിയറ്ററുകളില് എത്തുന്ന ചിത്രം. വേള്ഡ് വൈഡായി 1300കളിലധികം സ്ക്രീനുകളില് എത്തുന്ന ചിത്രം പൃഥ്വിരാജിന്റെ ഏറ്റവും വലിയ റിലീസാണ്.
ആറായിരത്തിലധികം ഷോകളായിരിക്കും ചിത്രത്തിന് ഒരു ദിവസം ഉണ്ടാവുക. ഗോള്ഡ് വിവിധ രാജ്യങ്ങളിലെ ചില സെന്ററുകളില് ആദ്യമായി റിലീസ് ചെയ്യുന്നുവെന്ന പ്രത്യേകതയുമുണ്ട്.
അജ്മല് അമീര്, കൃഷ്ണ ശങ്കര്, ശബരീഷ് വര്മ, വിനയ് ഫോര്ട്ട്, റോഷന് മാത്യു, മല്ലിക സുകുമാരന്, ലാലു അലക്സ്, ജഗദീഷ്, സൈജു കുറുപ്പ്, സുരേഷ് കൃഷ്ണ, ശാന്തി കൃഷ്ണ, പ്രേം കുമാര് തുടങ്ങിയവരും ചിത്രത്തില് അഭിനയിക്കുന്നുണ്ട്.
ലിസ്റ്റിന് സ്റ്റീഫനും പൃഥ്വിരാജും ചേര്ന്നാണ് ചിത്രത്തിന്റെ നിര്മ്മാണം. പൃഥ്വിരാജ് പ്രൊഡക്ഷന്സ്, മാജിക് ഫ്രെയിംസ് എന്നീ ബാനറുകളിലാണ് ഗോള്ഡിന്റെ നിര്മാണം. മാജിക് ഫ്രെയിംസ് ആണ് വിതരണം.
അല്ഫോണ്സ് പുത്രന് തന്നെയാണ് ചിത്രത്തിന്റെ തിരക്കഥയും നിര്വഹിച്ചിരിക്കുന്നത്. രാജേഷ് മുരുഗേശനാണ് ചിത്രത്തിന്റെ സംഗീത സംവിധാനം നിര്വഹിക്കുന്നത്. ശബരീഷ് വര്മയാണ് ചിത്രത്തിന്റെ ഗാനരചയിതാവ്.
content highlight: Prithviraj’s Highest Pre-Release Gold in the 50 Crore Club
