![?php echo $post['title']; ?>](https://assets.doolnews.com/w/900x473/2022/03/untitled-1-6.jpg)
ടൊവിനോ തോമസ് നായകനാകുന്ന നാരദന്റെ രണ്ടാമത്തെ ട്രെയ്ലര് പുറത്ത്. ഒരു ഡയലോഗ് പോലും ഇല്ലാതെ ദുരൂഹതകള് നിറച്ചാണ് ട്രെയ്ലര് എത്തിയിരിക്കുന്നത്.
സമകാലിക ഇന്ത്യയിലെ മാധ്യമ ലോകത്തെ അടിസ്ഥാനമാക്കിയാണ് നാരദന് ഒരുക്കിയിരിക്കുന്നത്. ഉണ്ണി. ആര്. ആണ് ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത്.
ചിത്രത്തിന്റെ ആദ്യ ട്രെയിലറിന് നല്ല പ്രതികരണമായിരുന്നു ലഭിച്ചത്. ട്രെയ്ലര് പുറത്തിറങ്ങിയതോടെ പല സംശയങ്ങളും സോഷ്യല് മീഡിയയില് ഉയരുന്നിരുന്നു. ടൊവിനോ ഡബിള് റോളിലാണോ ചിത്രത്തില് എത്തുന്നതെന്നാണ് പ്രധാന സംശയം.
രണ്ട് വ്യത്യസ്ത ഗെറ്റപ്പുകളിലാണ് താരം ട്രെയ്ലറില് എത്തുന്നത്. ഒരു പൊളിറ്റിക്കല് ത്രില്ലറിന്റെ സ്വഭാവമുള്ള ചിത്രമായിരിക്കും നാരദന് എന്നാണ് ട്രെയ്ലര് തരുന്ന സൂചന.
അന്ന ബെന് ആണ് ചിത്രത്തിലെ നായിക. ചിത്രം ജനുവരി 27 ന് തിയേറ്ററുകളില് വേള്ഡ് വൈഡ് റിലീസ് ചെയ്യും.
ഷറഫുദ്ദീന്, ഇന്ദ്രന്സ്, ജാഫര് ഇടുക്കി, വിജയ രാഘവന്, ജോയ് മാത്യു, രണ്ജി പണിക്കര്, രഘുനാഥ് പാലേരി, ജയരാജ് വാര്യര് തുടങ്ങി വന്താരനിരയാണ് ചിത്രത്തിലെ പ്രധാനകഥാപാത്രങ്ങളെ അവതരിപ്പിക്കുന്നത്.
ഇതിന് പുറമെ നിരവധി പുതുമുഖങ്ങളും ചിത്രത്തിലുണ്ട്. സന്തോഷ് കുരുവിളയും റിമാ കല്ലിങ്കലും ആഷിഖ് അബുവും ചേര്ന്നാണ് ചിത്രത്തിന്റെ നിര്മാണം. ജാഫര് സാദിഖ് ആണ് ക്യാമറ, സൈജു ശ്രീധരനാണ് എഡിറ്റിംഗ്.
സംഗീത സംവിധാനം ഡി.ജെ ശേഖര് മേനോനും ഒര്ജിനല് സൗണ്ട് ട്രാക്ക് നേഹയും യാക്സണ് പെരേരയുമാണ് ഒരുക്കിയിരിക്കുന്നത്. ആര്ട്ട് ഗോകുല് ദാസ്.
വസ്ത്രലങ്കാരം മഷര് ഹംസ, മേക്കപ്പ് റോണക്സ് സേവിയര്, എക്സിക്യൂട്ടീവ് പ്രൊഡ്യൂസര് ആബിദ് അബു -വസിം ഹൈദര്, പ്രൊഡക്ഷന് കണ്ട്രോളര് ബെന്നി കട്ടപ്പന, വിതരണം ഒ.പി.എം സിനിമാസ്, പി. ആര്. ഒ ആതിര ദില്ജിത്ത്.
Content Highlight: Naradan second trailer out
