ഐ.പി.എല്ലില് കഴിഞ്ഞ ദിവസം നടന്ന ലഖ്നൗ സൂപ്പര് ജയന്റ്സ് – ദല്ഹി ക്യാപ്പിറ്റല്സ് മത്സരത്തില് വിജയിച്ച് ക്യാപ്പിറ്റല്സ് ക്യാമ്പെയ്ന് ആരംഭിച്ചിരിക്കുകയാണ്. ലഖ്നൗവിന്റെ ഹോം ഗ്രൗണ്ടില് നടന്ന മത്സരത്തില് ആറ് വിക്കറ്റിനാണ് ദല്ഹി ജയം സ്വന്തമാക്കിയത്. ലഖ്നൗ ഉയര്ത്തിയ വിജയലക്ഷ്യം 17 പന്ത് ശേഷിക്കെ ക്യാപ്പിറ്റല്സ് മറികടക്കുകയായിരുന്നു.
ഇംപാക്ട് പ്ലെയറായി കളത്തിലിറങ്ങിയ സമീര് റിസ്വിയുടെ കരുത്തിലാണ് ക്യാപ്പിറ്റല്സ് അനായാസ വിജയം സ്വന്തമാക്കിയത്.
ഈ വിക്കറ്റോടെ ഐ.പി.എല്ലില് ഇന്നിങ്സിലെ ആദ്യ പന്തില് തന്നെ വിക്കറ്റ് നേടുന്ന താരങ്ങളുടെ പട്ടികയില് സ്വന്തം റെക്കോഡ് തിരുത്തിയാണ് ഷമി തിളങ്ങിയത്. ഇത് അഞ്ചാം തവണയാണ് ഷമി ഒരു ഇന്നിങ്സിന്റെ ആദ്യ പന്തില് വിക്കറ്റ് വീഴ്ത്തുന്നത്.
ഇത് രണ്ടാം തവണയാണ് ഷമി ആദ്യ പന്തില് കെ.എല്. രാഹുലിനെ മടക്കുന്നത് എന്നതും ശ്രദ്ധേയമാണ്. 2022ല് വാംഖഡെയില് ഗുജറാത്ത് ടൈറ്റന്സിന് വേണ്ടി അന്ന് ലഖ്നൗ ഓപ്പണറായിരുന്ന രാഹുലിനെ ഷമി മടക്കിയിരുന്നു.
Content Highlight: Mohammad Shami tops the list of picking most wickets in 1st ball of a match inning in IPL
