ഇത്തിരി പോലും ചിന്തിച്ചില്ല; ഔട്ടാകാതെ ഔട്ടായി ഓസീസ് സൂപ്പര്‍ താരം; വീഡിയോ

വാംഖഡെ സ്‌റ്റേഡിയത്തില്‍ നടന്നുകൊണ്ടിരിക്കുന്ന 2023 ലോകകപ്പിലെ 39ാം മത്സരത്തിലെ മിച്ചല്‍ സ്റ്റാര്‍ക്കിന്റെ പുറത്താകലാണ് ഇപ്പോള്‍ ക്രിക്കറ്റ് ലോകത്ത് ചര്‍ച്ചയാകുന്നത്. ഔട്ടാകാതെ പവലിയനിലേക്ക് തിരിച്ചുനടന്നാണ് സ്റ്റാര്‍ക് അഫ്ഗാനിസ്ഥാന് ഏഴാം വിക്കറ്റ് സമ്മാനിച്ചത്.

റാഷിദ് ഖാന്റെ പന്തില്‍ വിക്കറ്റ് കീപ്പര്‍ ഇക്രം അലിഖിലിന് ക്യാച്ച് നല്‍കിയാണ് സ്റ്റാര്‍ക് പുറത്തായത്. 19ാം ഓവറിലെ മൂന്നാം പന്തിലായിരുന്നു സംഭവം.

ആദ്യ ശ്രമത്തില്‍ ക്യാച്ച് കൈപ്പിടിയിലൊതുക്കാന്‍ സാധിക്കാതിരുന്ന അലിഖില്‍ റീബൗണ്ടില്‍ തകര്‍പ്പന്‍ ഡൈവിങ്ങിലുടെ പന്ത് കൈപ്പിടിയിലൊതുക്കുകയായിരുന്നു.

നിലവില്‍ 114 റണ്‍സാണ് ക്യാപ്റ്റന്‍ പാറ്റ് കമ്മിന്‍സിനൊപ്പം ചേര്‍ന്ന് ഗ്ലെന്‍ മാക്‌സ്‌വെല്‍ ടീം ടോട്ടലിലേക്ക് കൂട്ടിച്ചേര്‍ത്തത്. 89 പന്തില്‍ 123 റണ്‍സുമായി മാക്‌സ്‌വെല്ലും 42 പന്തില്‍ പത്ത് റണ്‍സുമായി പാറ്റ് കമ്മിന്‍സുമാണ് നിലവില്‍ ക്രീസില്‍.

 

Content Highlight: Mitchell Starc fails to review despite non-contact dismissal