ഇന്ത്യ – പാകിസ്ഥാന് സംഘര്ഷ സാഹചര്യങ്ങള് കണക്കിലെടുത്ത് താത്കാലികമായി നിര്ത്തിവെച്ച ഐ.പി.എല്ലിന്റെ പുതുക്കിയ ഷെഡ്യൂള് പ്രഖ്യാപിച്ചു. മെയ് 17 മുതലാണ് പുതുക്കിയ മത്സരക്രമപ്രകാരം മാച്ചുകള് ആരംഭിക്കുന്നത്.
🗓️ #TATAIPL 2025 action is all set to resume on 17th May 🙌
The remaining League-Stage matches will be played across 6⃣ venues 🏟️
The highly anticipated Final will take place on 3rd June 🏆
നേരത്തെ ഒരു ദിവസം രണ്ട് മത്സരങ്ങള് വീതം നടന്നേക്കാമെന്ന റിപ്പോര്ട്ടുകളുണ്ടായിരുന്നു. എന്നാല് ഞായറാഴ്ചകളില് മാത്രം രണ്ട് മത്സരങ്ങളിലെന്ന നിലയില് സാധാരണഗതിയില് തന്നെയാണ് മത്സരങ്ങള് ഷെഡ്യൂള് ചെയ്തിരിക്കുന്നത്.
മെയ് 17 രാത്രി റോയല് ചലഞ്ചേഴ്സ് ബെംഗളൂരു കൊല്ക്കത്ത നൈറ്റ് റൈഡേഴ്സിനെ നേരിടുന്നതോടെയാണ് ഐ.പി.എല് 2025ന്റെ ‘സെക്കന്ഡ് ഫേസ്’ ആരംഭിക്കുന്നത്. ആര്.സി.ബിയുടെ ഹോം ഗ്രൗണ്ടായ ചിന്നസ്വാമി സ്റ്റേഡിയമാണ് വേദി.
