![?php echo $post['title']; ?>](https://assets.doolnews.com/w/900x473/2024/07/untitled-1-7.jpg)
വേള്ഡ് ചാമ്പ്യന്ഷിപ്പ് ഓഫ് ലെജന്ഡ്സ് 2024 ചാമ്പ്യന്മാരായി ഇന്ത്യ ചാമ്പ്യന്സ്. കഴിഞ്ഞ ദിവസം എഡ്ജ്ബാസ്റ്റണില് നടന്ന മത്സത്തില് അഞ്ച് വിക്കറ്റിന് ജയിച്ചാണ് ഇന്ത്യ കിരീടമുയര്ത്തിയത്. ഇതോടെ ഇംഗ്ലണ്ട് ക്രിക്കറ്റ് ബോര്ഡ് സംഘടിപ്പിച്ച ടൂര്ണമെന്റിലെ ആദ്യ ചാമ്പ്യന്മാരാകാനും ഇന്ത്യക്ക് സാധിച്ചു.
സെമി ഫൈനലില് ഓസ്ട്രേലിയയെ തോല്പിച്ചാണ് ഇന്ത്യ ഫൈനലില് കടന്നത്.
ആദ്യ റൗണ്ടില് അഞ്ച് മത്സരത്തില് നിന്നും രണ്ട് ജയവും മൂന്ന് തോല്വിയുമായി പോയിന്റ് പട്ടികയില് നാലാം സ്ഥാനക്കാരായാണ് ഇന്ത്യ സെമി ഫൈനലിന് യോഗ്യത നേടിയത്. ആദ്യ രണ്ട് മത്സരത്തിലും പരാജയമറിയാതെ കുതിച്ച ഇന്ത്യ പാകിസ്ഥാനോടും ഓസ്ട്രേലിയയോടും പ്രോട്ടിയാസിനോടും തോല്ക്കുകയായിരുന്നു.
ആദ്യ റൗണ്ടില് തങ്ങളെ തോല്പിച്ച ടീമുകളെയാണ് ഇന്ത്യ നോക്ക് ഔട്ടില് പരാജയപ്പെടുത്തിയത് എന്നതാണ് യുവരാജിന്റെയും സംഘത്തിന്റെയും കിരീട നേട്ടത്തിന് മാറ്റ് കൂട്ടുന്നത്.
നോര്താംപ്ടണ് കൗണ്ടി ഗ്രൗണ്ടില് നടന്ന മത്സരത്തില് കങ്കാരുക്കള്ക്കെതിരെ 86 റണ്സിന്റെ പടുകൂറ്റന് ജയം നേടിയാണ് ഇന്ത്യ കലാശപ്പോരാട്ടതിന് യോഗ്യത നേടിയത്.
