അയോധ്യ വിധിക്ക് മുന്നോടിയായി ചീഫ് ജസ്റ്റിസ് സുരക്ഷാ മുന്നൊരുക്കങ്ങള്‍ വിലയിരുത്തും
Ayodhya Case
അയോധ്യ വിധിക്ക് മുന്നോടിയായി ചീഫ് ജസ്റ്റിസ് സുരക്ഷാ മുന്നൊരുക്കങ്ങള്‍ വിലയിരുത്തും
ന്യൂസ് ഡെസ്‌ക്
Friday, 8th November 2019, 1:08 pm

ന്യൂദല്‍ഹി: അയോധ്യകേസിലെ അന്തിമ വിധിക്ക് മുന്നോടിയായുള്ള സുരക്ഷ മുന്നൊരുക്കങ്ങള്‍ ചിഫ് ജസ്റ്റിസ് രഞ്ജന്‍ ഗൊഗോയ് വിലയിരുത്തും. ഇതിനായി ഉത്തര്‍പ്രദേശ് ചീഫ് സെക്രട്ടറിയുടേയും ഡി.ജി.പിയുടേയും യോഗം വിളിച്ചു. ഉച്ചക്ക് ചീഫ് ജസ്റ്റിസിന്റെ ചേംബറിലാണ് യോഗം.

ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ

ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥും സംസ്ഥാനത്തെ ഉന്നത പൊലീസ് ഉദ്യോഗസ്ഥര്‍ ജില്ലാ മജിസ്‌ട്രേറ്റ് എന്നിവരുടെ യോഗം വിളിച്ചിട്ടുണ്ട്.

വിധി വരാനിരിക്കുന്ന പശ്ചാത്തലത്തില്‍ വന്‍ സുരക്ഷാ ക്രമീകരണങ്ങളാണ് രാജ്യത്ത് നടത്തുന്നത്. ഇതിന്റെ ഭാഗമായി രണ്ട് ഹെലികോപ്റ്ററുകള്‍ വിന്യസിക്കാനും 20 താല്‍ക്കാലിക ജയിലുകള്‍ സ്ഥാപിക്കാനും 78 ഇടങ്ങളിലായി സേനയെ വിന്യസിക്കാനും തീരുമാനിച്ചിട്ടുണ്ട്.


ഉത്തര്‍പ്രദേശിലെ മുഴുവന്‍ ജില്ലകളിലേയും സ്ഥിതിഗതികള്‍ മുഖ്യമന്ത്രി അവലോകനം ചെയ്തു. പ്രശ്‌നങ്ങള്‍ ഉണ്ടാവാതിരിക്കാനുള്ള നിര്‍ദേശങ്ങള്‍ നല്‍കിയിട്ടുണ്ടെന്നും ഔദ്യോഗിക വൃത്തങ്ങള്‍ അറിയിച്ചു. ക്രമസമാധാന നില തകര്‍ക്കാന്‍ ശ്രമിക്കുന്നവര്‍ക്കെതിരെ കര്‍ശന നടപടിയെടുക്കണമെന്നും ആദിത്യനാഥ് മുന്നറിയിപ്പ് നല്‍കി.

അയോധ്യയില്‍ ഡിസംബര്‍ 10 വരെ നിരോധനാഞ്ജ തുടരും. ക്ഷേത്ര നിര്‍മ്മാണത്തിനായി വി.എച്ച്.പി 1990 മുതല്‍ തുടങ്ങി വെച്ച കല്‍പ്പണികള്‍ നിര്‍ത്തി വെച്ചിട്ടുണ്ട്. നവംബര്‍ 17 മുന്‍പായി അയോധ്യ കേസില്‍ വിധി പറയും.

വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ