![?php echo $post['title']; ?>](https://assets.doolnews.com/w/900x473/2023/03/argentina-vs-curacao.jpg)
ഖത്തര് ലോകകപ്പിന് ശേഷവും ഗോള് വേട്ട തുടരുകയാണ് ടീം അര്ജന്റീന. കുറസാവോക്കെതിരെ നടന്ന സൗഹൃദ മത്സരത്തില് അര്ജന്റീന വിജയിച്ചിരുന്നു. എതിരില്ലാത്ത ഏഴ് ഗോളുകള്ക്കാണ് ആല്ബിസെലസ്റ്റയുടെ ജയം.
ലയണല് മെസി ഹാട്രിക് നേടിയ മത്സരത്തില് നിക്കോളാസ് ഗോണ്സാലസ്, എന്സോ ഫെര്ണാണ്ടസ്, ഏഞ്ചല് ഡി മരിയ, ഗോണ്സാലോ മോണ്ടിയാല് എന്നിവരാണ് അര്ജന്റീനയുടെ മറ്റ് ഗോളുകള് നേടിയത്. ആദ്യ ഗോള് കണ്ടെത്താന് അര്ജന്റീനക്ക് 20 മിനിട്ട് പിന്നിടേണ്ടി വന്നെങ്കിലും 37ാം മിനിട്ടില് തന്നെ മെസി തന്റെ ഹാട്രിക് തികച്ചു.
ദുര്ബലരായ കുറസാവോക്ക് അര്ജന്റൈന് പടയെ പ്രതിരോധിക്കാന് സാധിച്ചിരുന്നില്ല. അഞ്ച് ഗോള് നേടിയതിന് ശേഷം പകരക്കാരെ ഇറക്കിയ അര്ജന്റീന ഒന്ന് പിന്വലിഞ്ഞ് കളിച്ചില്ലായിരുന്നെങ്കില് ഗോള്നേട്ടം 10 കടന്നേനെ.
Content Highlights: Argentina wins Curacao in friendly match
