കളിക്കളത്തിലെ ആക്രമണോത്സുക പെരുമാറ്റത്തിന് പേരുകേട്ടയാളാണ് ഇന്ത്യന് സൂപ്പര് താരം വിരാട് കോഹ്ലി. മത്സരങ്ങളില് അമിതമായ അഗ്രസ്സീവ്നെസ്സ് കാണിച്ചതിന് കോഹ്ലി നിരവധി തവണ വിമര്ശിക്കപ്പെട്ടിട്ടുണ്ട്. എന്നാല്, കുറച്ച് കാലങ്ങളായി ശാന്തമായാണ് താരത്തെ ഗ്രൗണ്ടില് കാണാറുള്ളത്.
ഇപ്പോള് അതിനെ കുറിച്ച് സംസാരിക്കുകയാണ് കിങ് കോഹ്ലി. ആദ്യം തന്റെ ആക്രമണോത്സുകതയായിരുന്നു പ്രശ്നമെങ്കില് ഇപ്പോള് ശാന്തതയാണ് പ്രശ്നമെന്നും അതുകൊണ്ട് ഇക്കാര്യത്തില് കൂടുതല് ശ്രദ്ധ കൊടുക്കുന്നില്ലെന്നും സൂപ്പര് താരം പറഞ്ഞു. റോയല് ചലഞ്ചേഴ്സ് ബെംഗളൂരു ഐ.പി.എല്ലിന് മുന്നോടിയായി നടത്തിയ ഇന്നൊവേഷനല് ലാബ് ഇന്ത്യന് സ്പോര്ട്സ് സമ്മിറ്റില് സംസാരിക്കുകയായിരുന്നു താരം.
‘സത്യം പറഞ്ഞാല് എനിക്ക് എന്താണ് ചെയ്യേണ്ടതെന്ന് അറിയില്ല. എന്റെ ആക്രമണോത്സുകതയായിരുന്നു ആദ്യം പ്രശ്നം. ഇപ്പോള് എന്റെ ശാന്തതയും. എനിക്ക് എന്താണ് ചെയ്യേണ്ടതെന്ന് ഒരു ധാരണയുമില്ലാത്തതുപോലെയാണ് തോന്നുന്നത്. അതുകൊണ്ടാണ് ഞാന് അതില് കൂടുതല് ശ്രദ്ധ കേന്ദ്രീകരിക്കാത്തത്,’ കോഹ്ലി പറഞ്ഞു.
Virat Kohli said – “I don’t know what to do to be honest. My Aggression was a problem and now my calmness is a problem”. pic.twitter.com/Wl5L1NXlAZ
— Virat Kohli Fan Club (@Trend_VKohli) March 15, 2025
