![?php echo $post['title']; ?>](https://assets.doolnews.com/w/900x473/2026/09/congress-goa.jpg)
പനാജി: പ്രതിപക്ഷം തങ്ങളുടെ അഹങ്കാരം മാറ്റിവെച്ച് ബി.ജെ.പിക്കെതിരെ ഒറ്റക്കെട്ടായി അണിനിരക്കണമെന്ന് ഗോവയിലെ കോണ്ഗ്രസ് റാലിയില് വോട്ടര്മാരുടെ ആവശ്യം.
ഗോവയില് ബി.ജെ.പിക്കെതിരെ പ്രതിപക്ഷ ഐക്യം ശക്തിപ്പെടുത്താനുള്ള നീക്കത്തിന്റെ ഭാഗമായാണ് കോണ്ഗ്രസ് റാലി സംഘടിപ്പിച്ചത്.
സംസ്ഥാനത്ത് കോണ്ഗ്രസ് നേതൃത്വത്തില് നടക്കുന്ന യാത്രയുടെ ഭാഗമായി വിവിധ പ്രതിപക്ഷ കക്ഷികളുമായി സഹകരണം ശക്തമാക്കാനാണ് പാര്ട്ടിയുടെ ശ്രമമെന്നും റിപ്പോര്ട്ടുണ്ട്.
വിവിധ രാഷ്ട്രീയ കക്ഷികള് തമ്മിലുള്ള ഭിന്നതകള് മറികടന്ന് ബി.ജെ.പിക്കെതിരെ യോജിച്ച നിലപാട് സ്വീകരിക്കണമെന്നാണ് കോണ്ഗ്രസിന്റെ ആഹ്വാനം.
ഗോവയിലെ രാഷ്ട്രീയ സാഹചര്യത്തില് കോണ്ഗ്രസിന്റെ സംഘടനാ പ്രവര്ത്തനങ്ങള് ശക്തമാക്കുന്നതിന്റെ ഭാഗമായാണ് യാത്ര സംഘടിപ്പിച്ചതെന്നും പ്രാദേശിക തലത്തില് പ്രതിപക്ഷ പാര്ട്ടികളെയും പ്രവര്ത്തകരെയും ഒന്നിപ്പിക്കുകയാണ് ലക്ഷ്യമെന്നും കോണ്ഗ്രസ് നേതാക്കള് പറഞ്ഞിരുന്നു.
അതേസമയം, പ്രതിപക്ഷ പാര്ട്ടികള് തമ്മിലുള്ള ഭിന്നതകള് ബി.ജെ.പിക്ക് രാഷ്ട്രീയമായി ഗുണകരമാകുന്ന സാഹചര്യമുണ്ടെന്ന് കോണ്ഗ്രസ് നേതാക്കള് റാലിയില് പറഞ്ഞു.
അതിനാല് വരുന്ന തെരഞ്ഞെടുപ്പുകളെ മുന്നില്ക്കണ്ട് ജനങ്ങളുടെ ആവശ്യത്തിനനുസരിച്ച് പ്രതിപക്ഷ ഐക്യം കൂടുതല് ശക്തമാക്കേണ്ടതുണ്ടെന്നാണ് പാര്ട്ടിയുടെ നിലപാട്.
ഗോവയില് നേരത്തെയും കോണ്ഗ്രസിന് തിരിച്ചടിയായ രാഷ്ട്രീയ കൂടുമാറ്റങ്ങള് ഉണ്ടായതായും റിപ്പോര്ട്ടുണ്ട്. 2022ല് കോണ്ഗ്രസിന്റെ എട്ട് എം.എല്.എമാര് ബി.ജെപിയില് ചേര്ന്നിരുന്നെന്നും റിപ്പോര്ട്ടില് പറഞ്ഞു.
Content Highlights: ‘Opposition should set aside arrogance and unite against the BJP’: Voters’ message at Congress rally in Goa.
