നേരത്തെ ധോണി ചെന്നൈക്ക് വേണ്ടി ഇംപാക്ട് പ്ലെയര് റോളില് കളിക്കുമെന്ന് റിപ്പോര്ട്ടുകളുണ്ടായിരുന്നു. എന്നാല് പലരും ഇതിനെ വിമര്ശിച്ച് രംഗത്ത് വന്നിരുന്നു. എന്നാല് താരത്തിന്റെ പരിക്ക് ആരാധകരെയടക്കം ആശങ്കപ്പെടുത്തിയിരിക്കുകയാണ്. ധോണിയുടെ വിടവില് ചെന്നൈയുടെ വിക്കറ്റ് കീപ്പറായി ഇന്ത്യന് ഓപ്പണറും മലയാളിയുമായ സഞ്ജു സാംസണ് ചുമതലയേല്ക്കുമെന്ന് ഉറപ്പായിരിക്കുകയാണ്.
Official Statement
MS Dhoni is currently undergoing rehabilitation for a calf strain. As a result, he is likely to miss the first two weeks of TATA IPL 2026.
കഴിഞ്ഞ ദിവസം നടന്ന പരിശീലന മത്സരത്തില് ചെന്നൈക്ക് വേണ്ടി സഞ്ജുവായിരുന്നു കീപ്പിങ്ങിന് ഇറങ്ങിയത്. ചെന്നൈയുടെ ‘തല’യെന്ന വിശേഷണം സ്വന്തമാക്കിയ ധോണിക്ക് കളത്തിലിറങ്ങാന് സാധിക്കുമോ എന്ന നിരാശയിലാണ് പലരും. 2025ല് ധോണി റിട്ടയര് ചെയ്യുമെന്ന് അഭ്യൂഹങ്ങള് നിലനിന്നപ്പോഴും താന് കളത്തില് തുടരുമെന്നാണ് ധോണിയെടുത്ത നിലപാട്. എന്നാല് താരത്തിന്റെ മോശം ഫിറ്റ്നസ് ഇത്തവണ റിട്ടയര്മെന്റിലെത്തിക്കുമോ എന്നാണ് ആരാധകര് ഉറ്റുനോക്കുന്നത്.
മാര്ച്ച് 30നാണ് ഫാന് ഫേവറേറ്റ്സായ ചെന്നൈ സൂപ്പര് കിങ്സിന്റെ ആദ്യ മത്സരം. രാജസ്ഥാന് റോയല്സാണ് എതിരാളികള്. രാജസ്ഥാന്റെ രണ്ടാം ഹോം ഗ്രൗണ്ടായ ഗുവാഹത്തിയിലെ ബര്സപാര സ്റ്റേഡിയത്തിലാണ് മത്സരം അരങ്ങേറുക.
Content Highlight: MS Dhoni is likely to miss the first two weeks of TATA IPL 2026
എം.എസ്. ധോണി