ലേലത്തിന് മുന്‍പേ എതിരാളികളെ ഞെട്ടിച്ച് ലഖ്നൗ; ലോകത്തിലെ മികച്ച ഓള്‍റൗണ്ടറേയും സ്പിന്നറേയും ടീമിലെത്തിക്കുമെന്ന് സൂചന
സ്പോര്‍ട്സ് ഡെസ്‌ക്
Friday, 14th January 2022, 11:33 pm
ഐ.പി.എല്ലിന്റെ പുതിയ സീസണില്‍ അരങ്ങേറ്റം കുറിക്കാനൊരുങ്ങുകയാണ് ലഖ്നൗ അടിസ്ഥാനമാക്കിയുള്ള ഫ്രാഞ്ചൈസി. എന്നാല്‍ ടൂര്‍ണമെന്റില്‍ ആദ്യമായാണ് കാല്‍വെയ്പ് നടത്തുന്നതെങ്കിലും മികച്ച ടാക്ടിക്‌സിലൂടെയാണ് ടീം ഐ.പി.എല്ലിനെ ഒന്നാകെ ഞെട്ടിച്ചത്.
ഇന്ത്യയിലെ ഏറ്റവും മികച്ച ബാറ്ററെ തന്നെ നായകനാക്കി യുദ്ധപ്രഖ്യാപനമാരംഭിച്ച ലഖ്നൗ, ലോകത്തിലെ തന്നെ ഏറ്റവും മികച്ച ഓള്‍റൗണ്ടര്‍മാരില്‍ ഒരാളെയും ടോപ് സ്പിന്നറെയും റാഞ്ചാനുള്ള നീക്കത്തിലാണ്.
ടൂര്‍ണമെന്റിലെ പുതിയ ഫ്രാഞ്ചൈസി എന്ന നിലയില്‍ മൂന്ന് താരങ്ങളെ ലേലത്തിന് മുമ്പ് തന്നെ ടീമിന് സ്വന്തമാക്കാം. പഞ്ചാബ് കിംഗ്സിന്റെ മുന്‍ നായകനും ഇന്ത്യന്‍ സൂപ്പര്‍ താരവുമായ കെ.എല്‍. രാഹുലിനെ തങ്ങളുടെ ആദ്യത്തെ താരമായി സൈന്‍ ചെയ്തു എന്നാണ് റിപ്പോര്‍ട്ടുകള്‍.
