![?php echo $post['title']; ?>](https://assets.doolnews.com/w/900x473/2026/06/sanju-9.jpg)
ഇന്ത്യ – വെസ്റ്റ് ഇന്‍ഡീസ് ടി-20 പരമ്പരയിലെ നാലാം മത്സരത്തില്‍ തകര്‍പ്പന്‍ വിജയം നേടിയ കരീബിയന്‍സ് പരമ്പരയില്‍ ഒപ്പമെത്തിയിരിക്കുകയാണ്. ഹൈദരാബാദ്, ഉപ്പലിലെ രാജീവ് ഗാന്ധി അന്താരാഷ്ട്ര സ്റ്റേഡിയത്തില്‍ നടന്ന മത്സരത്തില്‍ 24 റണ്‍സിനായിരുന്നു ഇന്ത്യയുടെ തോല്‍വി.
സഞ്ജു സാംസണ്‍ വെടിക്കെട്ട് അര്‍ധ സെഞ്ച്വറിയുമായി തകര്‍ത്തടിച്ചിട്ടും ഇന്ത്യയ്ക്ക് വിജയലക്ഷ്യം മറികടക്കാന്‍ സാധിക്കാതെ പോയി. സന്ദര്‍ശകര്‍ ഉയര്‍ത്തിയ 248 റണ്‍സിന്റെ ലക്ഷ്യം പിന്തുടര്‍ന്നിറങ്ങിയ ഇന്ത്യ 223ല്‍ പോരാട്ടം അവസാനിപ്പിച്ചു.
West Indies level the series 2-2. An important decider awaits in Bengaluru on Saturday. Scorecard ▶️ https://t.co/ksuQbTW6n5 #TeamIndia | #INDvWI | @mflone_ https://t.co/i7juMPuEe9
— BCCI (@BCCI) October 14, 2026
ഇതോടെ സഞ്ജു സാംസണ്‍ 50+ സ്‌കോര്‍ നേടുന്ന മത്സരങ്ങളിലെല്ലാം ഇന്ത്യ വിജയിക്കുമെന്ന പതിവ് കൂടി ഇല്ലാതാവുകയാണ്. ഇത് രണ്ടാം മത്സരത്തിലാണ് ഇന്ത്യ ഇത്തരത്തില്‍ തോല്‍വിയേറ്റുവാങ്ങുന്നത്.
പരമ്പരയിലെ രണ്ടാം മത്സരത്തിലാണ് സഞ്ജുവിന്റെ ഈ സ്ട്രീക്കിന് അന്ത്യമായത്. സഞ്ജു 200.00 സ്‌ട്രൈക് റേറ്റില്‍ 82 റണ്‍സടിക്കുകയും ഇന്ത്യ 249 റണ്‍സ് സ്വന്തമാക്കുകയും ചെയ്തിട്ടും വിന്‍ഡീസ് ഷായ് ഹോപ്പിന്റെ കരുത്തില്‍ ലക്ഷ്യം മറികടക്കുകയായിരുന്നു.
ഹൈദരാബാദിലും ഇത്തരത്തില്‍ നീലപ്പടയ്ക്ക് കാലിടറിയതോടെ സഞ്ജുവിന്റെ ലക്കി ചാമിനും മങ്ങലേറ്റിരിക്കുകയാണ്.
ഇതിന് മുമ്പ് സഞ്ജു 50+ സ്‌കോര്‍ ചെയ്ത മത്സരങ്ങള്‍
(സ്‌കോര്‍ – എതിരാളികള്‍ – വേദി – വര്‍ഷം – ഫലം എന്നീ ക്രമത്തില്‍)
111 (47) – ബംഗ്ലാദേശ് – ഹൈദരാബാദ് – 2024 – ഇന്ത്യയ്ക്ക് 133 റണ്‍സ് വിജയം
109* (56) – സൗത്ത് ആഫ്രിക്ക – ജോഹനാസ്‌ബെര്‍ഗ് – 2024 – ഇന്ത്യയ്ക്ക് 135 റണ്‍സ് വിജയം
107 (50) – സൗത്ത് ആഫ്രിക്ക – ഡര്‍ബന്‍ – 2024 – ഇന്ത്യയ്ക്ക് 61 റണ്‍സ് വിജയം
97* (50) – വെസ്റ്റ് ഇന്‍ഡീസ് – ഈഡന്‍ ഗാര്‍ഡന്‍സ് – 2026 – ഇന്ത്യയ്ക്ക് അഞ്ച് വിക്കറ്റ് വിജയം
89 (42) – ഇംഗ്ലണ്ട് – വാംഖഡെ – 2026 – ഇന്ത്യയ്ക്ക് ഏഴ് റണ്‍സ് വിജയം
89 (46) – ന്യൂസിലാന്‍ഡ് – അഹമ്മദാബാദ് – 2026 – ഇന്ത്യയ്ക്ക് 96 റണ്‍സ് വിജയം
77 (42) – അയര്‍ലാന്‍ഡ് – ഡബ്ലിന്‍ – 2022 – ഇന്ത്യയ്ക്ക് നാല് റണ്‍സ് വിജയം
58 (45) – സിംബാബ്‌വേ – ഹരാരെ – 2024 – ഇന്ത്യയ്ക്ക് 42 റണ്‍സ് വിജയം
57 (22) – അഫ്ഗാനിസ്ഥാന്‍ – ദല്‍ഹി – 2026 – ഇന്ത്യയ്ക്ക് ഏഴ് വിക്കറ്റ് വിജയം
56 (45) – ഒമാന്‍ – അബുദാബി – 2025 – ഇന്ത്യയ്ക്ക് 21 റണ്‍സ് വിജയം
50 (35) – അഫ്ഗാനിസ്ഥാന്‍ – ദല്‍ഹി – 2026 – ഇന്ത്യയ്ക്ക് 127 റണ്‍സ് വിജയം
82 (41) – വെസ്റ്റ് ഇന്‍ഡീസ് – റാഞ്ചി – 2026 – ഇന്ത്യയ്ക്ക് ആറ് വിക്കറ്റിന്റെ പരാജയം
മത്സരത്തില്‍ ടോസ് നഷ്ടപ്പെട്ട് ബാറ്റിങ്ങിനിറങ്ങിയ സന്ദര്‍ശകര്‍ ഷായ് ഹോപ്പിന്റെ കരുത്തിലാണ് സ്‌കോര്‍ ഉയര്‍ത്തിയത്. 50 പന്ത് നേരിട്ട് പുറത്താകാതെ 102 റണ്‍സാണ് താരം സ്വന്തമാക്കിയത്. ഈ പരമ്പരയില്‍ താരത്തിന്റെ രണ്ടാം സെഞ്ച്വറിയാണിത്.
നായകന്‍ ഹോപ്പിന് പുറമെ ഷെര്‍ഫാന്‍ റൂഥര്‍ഫോര്‍ഡ് (26 പന്തില്‍ 49*), ഷിംറോണ്‍ ഹെറ്റ്‌മെയര്‍ (12 പന്തില്‍ 33) എന്നിവരുടെ കരുത്തില്‍ വിന്‍ഡീസ് നിശ്ചിത ഓവറില്‍ മൂന്ന് വിക്കറ്റ് നഷ്ടത്തില്‍ 247ലെത്തി.
മറുപടി ബാറ്റിങ്ങിനിറങ്ങിയ ഇന്ത്യ ബാറ്റര്‍ സഞ്ജു സാംസണിന്റെ കരുത്തില്‍ ഇന്നിങ്‌സിന് അടിത്തറയൊരുക്കിയിരുന്നു. തന്റെ കരിയറിലെ ആദ്യ അന്താരാഷ്ട്ര ടി-20 സെഞ്ച്വറി നേടിയ അതേ വേദിയില്‍ സഞ്ജു വീണ്ടും തിളങ്ങിയതോടെ ആരാധകര്‍ മത്സരത്തിനൊപ്പം പരമ്പര വിജയവും സ്വപ്‌നം കണ്ടുതുടങ്ങി.
2️⃣0️⃣-ball FIFTY 🫡 @IamSanjuSamson is lighting up Hyderabad tonight 🔥 Updates ▶️ https://t.co/ksuQbTW6n5 #TeamIndia | #INDvWI | @mflone_ https://t.co/mcJm76yRnF
— BCCI (@BCCI) October 14, 2026
എന്നാല്‍ കൃത്യമായ ഇടവേളകളില്‍ വിക്കറ്റ് വീഴ്ത്തിയ വിന്‍ഡീസ് ഇന്ത്യയുടെ ടോട്ടല്‍ മൊമന്റെത്തെ തന്നെ പിടിച്ചുകുലുക്കി. തിലക് വര്‍മ 25 പന്തില്‍ 43 റണ്‍സും നിതീഷ് കുമാര്‍ റെഡ്ഡി 20 പന്തില്‍ 41 റണ്‍സും സ്വന്തമാക്കിയെങ്കിലും വിജയലക്ഷ്യത്തിന് 24 റണ്‍സകലെ ഇന്ത്യ പോരാട്ടം അവസാനിപ്പിക്കുകയായിരുന്നു.
Fighting it out in the middle 💪 Vice-captain @TilakV9 at it 👊 Updates ▶️ https://t.co/ksuQbTW6n5 #TeamIndia | #INDvWI | @mflone_ https://t.co/1XOO24YxkR
— BCCI (@BCCI) October 14, 2026
ഇതോടെ അഞ്ച് മത്സരങ്ങളുടെ പരമ്പരയിലെ നാല് മത്സരങ്ങള്‍ അവസാനിക്കുമ്പോള്‍ ഇരുവരും 2-2ന് ഒപ്പത്തിനൊപ്പമാണ്. നാളെയാണ് പരമ്പരയിലെ സീരീസ് ഡിസൈഡര്‍ മത്സരം. ബെംഗളൂരുവിലെ ചിന്നസ്വാമി സ്റ്റേഡിയമാണ് വേദി.
Content Highlight: India loses for only the second time in history in a match where Sanju Samson scored 50+ runs.
