![?php echo $post['title']; ?>](https://assets.doolnews.com/w/900x473/2026/10/kshethram.jpg)
ബാഗല്‍കോട്ട്: കര്‍ണാടകയില്‍ ഗാന്ധി ജയന്തി ദിനത്തില്‍ ദളിതര്‍ക്ക് നേരെ അധിക്ഷേപം. ഒക്ടോബര്‍ രണ്ടിന് ക്ഷേത്രോത്സവത്തിനിടെ ദളിത് വിഭാഗത്തില്‍പ്പെട്ടവര്‍ക്ക് പ്രത്യേകം ഭക്ഷണം വിളമ്പിയെന്നാണ് പരാതി. ബാഗല്‍കോട്ട് ജില്ലയിലെ തെരദാല്‍ താലുക്കിലെ ലക്ഷ്മി ദേവി ക്ഷേത്രത്തിലായിരുന്നു സംഭവം. വിഷയത്തില്‍ 20പേര്‍ക്കെതിരെ പൊലീസ് കേസെടുത്തിട്ടുണ്ട്.
ഗ്രാമത്തിലെ ദളിത് സമുദായത്തില്‍പ്പെട്ട ബസപ്പ യലദഗല്‍ എന്നയാള്‍ നല്‍കിയ പരാതിയിലാണ് പൊലീസ് കേസെടുത്തിരിക്കുന്നത്.ഗാന്ധി ജയന്തി ദിനത്തില്‍ നടന്ന ക്ഷേത്രോത്സവത്തില്‍ എല്ലാവര്‍ക്കും സാധാരണ ഭക്ഷണം നല്‍കിയപ്പോള്‍ ദളിത് വിഭാഗത്തില്‍പ്പെട്ടവരെ മാത്രം പ്രത്യേകം മാറ്റിയിരുത്തി കഞ്ഞി മാത്രമാണ് നല്‍കിയതെന്ന് അദ്ദേഹത്തിന്റെ പരാതിയില്‍ പറയുന്നു.
സംഭവത്തില്‍ അന്വേഷണം ആരംഭിച്ചതായി പൊലീസ് പറഞ്ഞു. സുകുമാര്‍ പാട്ടീല്‍, ബസവരാജ് യദവാഡ്, നന്ദപ്പ നന്ദപ്പനവര്‍, സുരേഷ് അക്കിവെട്ടി എന്നിവരടക്കം ഇരുപതോളം പേര്‍ക്കെതിരെ കേസെടുത്തിട്ടുണ്ട്. താമദഡ്ഡി ഗ്രാമത്തില്‍ ഇത്തരത്തില്‍ ദളിതര്‍ക്കെതിരെ വിവേചനം നടക്കുന്നതായി മുമ്പും പരാതികള്‍ ഉയര്‍ന്നിരുന്നു.
Content Highlight: Caste discrimination on Gandhi Jayanti: Dalits made to sit separately while being served food during a temple festival in Karnataka; case registered against 20 people.
