എട്ടുമാസത്തിനുശേഷം ട്വിറ്റര്‍ ഇന്ത്യക്ക് പുതിയ തലവന്‍; നെറ്റ്‌വര്‍ക്ക് 18 മുന്‍ സി.ഇ.ഒ മനീഷ് മഹേശ്വരി ഈമാസം സ്ഥാനമേല്‍ക്കും
Technology
എട്ടുമാസത്തിനുശേഷം ട്വിറ്റര്‍ ഇന്ത്യക്ക് പുതിയ തലവന്‍; നെറ്റ്‌വര്‍ക്ക് 18 മുന്‍ സി.ഇ.ഒ മനീഷ് മഹേശ്വരി ഈമാസം സ്ഥാനമേല്‍ക്കും
ന്യൂസ് ഡെസ്‌ക്
Monday, 22nd April 2019, 5:49 pm

എട്ടുമാസത്തിനുശേഷം ട്വിറ്റര്‍ ഇന്ത്യക്ക് പുതിയ തലവനായി. നെറ്റ്‌വര്‍ക്ക് 18 ഡിജിറ്റലിന്റെ മുന്‍ സി.ഇ.ഒ മനീഷ് മഹേശ്വരിയാണ് ട്വിറ്ററിന്റെ ഇന്ത്യയിലെ പുതിയ മാനേജിങ് ഡയറക്ടര്‍. എട്ടുമാസം മുന്‍പാണ് തരണ്‍ജീത് സിങ് ഈ സ്ഥാനമൊഴിഞ്ഞത്.

ഇക്കാലയളവില്‍ ബാലാജി ക്രിഷാണ് ഇടക്കാല മേധാവിയായി പ്രവര്‍ത്തിച്ചിരുന്നത്. മനീഷ് സ്ഥാനമേല്‍ക്കുന്നതോടെ ട്വിറ്ററിന്റെ സാന്‍ ഫ്രാന്‍സിസ്‌കോയിലേക്ക് ബാലാജി മാറും. ട്വിറ്ററിന്റെ റവന്യൂ സ്ട്രാറ്റജി ആന്‍ഡ് ഓപ്പറേഷന്‍സ് ഗ്ലോബല്‍ ഹെഡ്ഡായാണ് ബാലാജി ചുമതലയേല്‍ക്കുക.

ദല്‍ഹിയായിരിക്കും മനീഷിന്റെ ആസ്ഥാനം. ഏപ്രില്‍ 19-ന് അദ്ദേഹം സ്ഥാനമേല്‍ക്കും. ഫ്‌ളിപ്പ്കാര്‍ട്ട് അടക്കമുള്ള സ്ഥാപനങ്ങളിലും മനീഷ് ജോലി ചെയ്തിട്ടുണ്ട്.

എട്ടുമാസം മുന്‍പ് സ്ഥാനമൊഴിഞ്ഞ തരണ്‍ജീത് സിങ് സീ ഗ്രൂപ്പിന്റെ വീഡിയോ സ്ട്രീമിങ്ങിന്റെ സേവനമായ സീ ഫൈവിന്റെ ചീഫ് റവന്യൂ ഓഫീസറാണിപ്പോള്‍.