തമിഴിലും മലയാളത്തിലും ഒരുപോലെ പ്രശസ്തനായ നടനാണ് തലൈവാസല് വിജയ്. അഭിനയത്തിന് പുറമെ ഡബ്ബിങ്ങിലും കഴിവ് തെളിയിച്ച ആളാണ് അദ്ദേഹം. 1992ല് തലൈവാസല് എന്ന ചിത്രത്തിലൂടെയാണ് വിജയ് തന്റെ കരിയര് ആരംഭിക്കുന്നത്.
ആ സിനിമയിലൂടെ അദ്ദേഹം തമിഴ് സിനിമാ ഇന്ഡസ്ട്രിയില് തലൈവാസല് വിജയ് എന്ന് അറിയപ്പെടാന് തുടങ്ങി. 2000ത്തില് കമല് സംവിധാനം ചെയ്ത മധുരനൊമ്പരക്കാറ്റ് എന്ന ചിത്രത്തിലൂടെയാണ് അദ്ദേഹം മലയാള സിനിമയിലേക്ക് എത്തുന്നത്. പിന്നീട് നിരവധി മലയാള സിനിമകളില് അദ്ദേഹം അഭിനയിച്ചു
മേല്വിലാസം എന്ന സിനമയെ കുറിച്ചും അതിലെ തന്റെ കഥാപാത്രത്തെ കുറിച്ചും സംസാരിക്കുകയാണ് ഇപ്പോള് തലൈവാസല് വിജയ്.
സുരേഷ് ഗോപിയോടൊത്ത് ചെയ്ത ‘മേല്വിലാസം’ എന്ന സിനിമയിലെ അനുഭവം തനിക്ക് മറക്കാനാകില്ലെന്നും ഒരു കോടതി മുറിയിലാണ് അതിലെ ക്ലൈമാക്സ് സീന് ചിത്രീകരിച്ചതെന്നും അദ്ദേഹം പറയുന്നു. നല്ല ചൂടുള്ള മുറിയായതിനാല് പട്ടാളക്കാരന്റെ മുഴുവന് യൂണിഫോം ധരിച്ച് ഷൂട്ടിങ് നടത്തേണ്ടെന്നാണ് സംവിധായകന് പറഞ്ഞുവെന്നും അരയ്ക്ക് മുകളിലുള്ള ഭാഗം മാത്രം കാണുന്ന തരത്തില് നീണ്ട സീനുകളുള്ളത് കൊണ്ടാണ് അദ്ദേഹം അങ്ങനെ പറഞ്ഞതെന്നും വിജയ് പറയുന്നു.
യൂണിഫോമിന്റെ കോട്ട് മാത്രമിട്ട് മുണ്ടുടുത്ത് ആ സീന് ചെയ്തോളൂവെന്ന് സംവിധായകന് പറഞ്ഞെന്നും എന്നാല് എങ്ങനെയൊക്കെ ആ സീന് ചെയ്തിട്ടും തനിക്ക് തൃപ്തി തോന്നിയില്ലെന്നും വിജയ് കൂട്ടിച്ചേര്ത്തു. പിന്നീടാണ് ആ സത്യം താന് മനസ്സിലാക്കിയതെന്നും ഫുള് യൂണിഫോമില് തന്നെ ആ സീന് എടുക്കാമെന്ന് താന് പറഞ്ഞുവെന്നും അദ്ദേഹം പറയുന്നു. സ്റ്റാര് ആന്ഡ് സ്റ്റൈല് മാഗസിനില് സംസാരിക്കുകയായിരുന്നു തലൈവാസല് വിജയ്.
‘സുരേഷ് ഗോപിയോടൊത്ത് ചെയ്ത ‘മേല്വിലാസം’ എന്ന സിനിമയിലെ അനുഭവം എനിക്ക് മറക്കാനാകില്ല. ഒരു കോടതി മുറിയിലാണ് അതിലെ ക്ലൈമാക്സ് സീന് ചിത്രീകരിക്കേണ്ടിയിരുന്നത്. നല്ല ചൂടുള്ള മുറിയായതിനാല് പട്ടാളക്കാരന്റെ മുഴുവന് യൂണിഫോം ധരിച്ച് ഷൂട്ടിങ് നടത്തേണ്ടെന്നാണ് സംവിധായകന് പറഞ്ഞത്. അരയ്ക്ക് മുകളിലുള്ള ഭാഗം മാത്രം കാണുന്ന തരത്തില് നീണ്ട സീനുകളുള്ളത് കൊണ്ടാണ് അദ്ദേഹം അങ്ങനെ പറഞ്ഞത്. യൂണിഫോമിന്റെ കോട്ട് മാത്രമിട്ട് മുണ്ടുടുത്ത് ആ സീന് ചെയ്തോളൂവെന്ന് സംവിധായകന് പറഞ്ഞു. എന്നാല് എങ്ങനെയൊക്കെ ആ സീന് ചെയ്തിട്ടും എനിക്ക് തൃപ്തിയായില്ല.
എന്തോ ഒരു കുറവ് വരുന്നത് പോലെ എനിക്ക് തോന്നി. പിന്നീടാണ് ആ സത്യം ഞാന് മനസ്സിലാക്കിയത്. ഫുള് യൂണിഫോമില് തന്നെ ആ സീന് എടുക്കാമെന്ന് ഞാന് പറഞ്ഞു. കന ത്ത ചൂടില് ഫുള് യൂണിഫോമില് ഞാന് തളര്ന്നു പോകുമെന്ന് സംവിധായകന് പറഞ്ഞെങ്കിലും അതില് തന്നെ ചെയ്യാന് ഞാന് തീരുമാനിക്കു കയായിരുന്നു. ഫുള് യൂണിഫോം ധരിച്ച് അഭിനയിച്ചതോടെ എന്റെ ബോഡി ലാംഗ്വേജ് തന്നെ മാറിപ്പോ യി. അപ്പോഴാണ് ഒരു പട്ടാളക്കാരന് അവന്റെ യൂണിഫോം സമ്മാനി ക്കുന്ന അഭിമാനവും ഊര്ജവും എത്ര വലുതാണെന്ന് എനിക്ക് മനസ്സിലായത്,’ തലൈവാസല് വിജയ് പറയുന്നു.
Content Highlight: Thalaivaasal Vijay about the movie Melvilasam and his character in it
