![?php echo $post['title']; ?>](https://assets.doolnews.com/w/900x473/2018/12/simmba.jpg)
ന്യൂദല്ഹി: രണ്വീര് സിങ്ങ് നായകനായെത്തുന്ന സിമ്പായുടെ ആദ്യ ട്രെയ്ലര് പുറത്തു വിട്ടു. രോഹിത് ഷെട്ടി സംവിധാനം ചെയ്യുന്ന സിമ്പാ തെലുഗു ചിത്രം ടെംമ്പറിന്റെ ഹിന്ദി പതിപ്പാണ്. രണ്വീര് പൊലീസ് ഓഫീസറായെത്തുന്ന സിനിമ മാസ് ഓഡിയന്സിനെ ലക്ഷ്യം വെച്ചുള്ളതാണെന്ന് ട്രെയ്ലറില് നിന്ന് വ്യക്തമാണ്. സാറ അലി ഖാനാണ് ചിത്രത്തിലെ നായിക.
2015ല് പുറത്തിറങ്ങിയ ടെംമ്പറില് ജൂനിയര് എന്.ടി.ആര് ആയിരുന്നു നായക വേഷം അവതരിപ്പിച്ചത്. സങ്ക്റം ബലേറോ എന്ന കൈക്കൂലിക്കാരനായ പൊലീസുദ്യോഗസ്ഥനായാണ് രണ്വീര് ചിത്രത്തിലെത്തുന്നത്.
വില്ലത്തിയായി ഞെട്ടിച്ച് മധുബാല; “അഗ്നിദേവി”ന്റെ ട്രെയ്ലർ കാണാം
അതേസമയം രോഹിത് ഷെട്ടിയുടെ 2011 ചിത്രം സിങ്കത്തിന്റെ തുടര്ച്ചയായിരിക്കും സിനിമയെന്നും ട്രെയ്ലര് സൂചന നല്കുന്നുണ്ട്. സിങ്കത്തിലെ മുഖ്യ കഥാപാത്രത്തെ അവതരിപ്പിച്ച അജയ് ദേവ്ഗണ് ഈ ചിത്രത്തിലും അതിഥി താരമായി എത്തുന്നുണ്ട്. സിങ്കത്തിലെ രംഗങ്ങളില് നിന്നാണ് സിമ്പയുടെ ട്രെയ്ലര് ആരംഭിക്കുന്നതും.
