എമ്പുരാന് വേണ്ടി എനിക്കും ലാലേട്ടനും റഷ്യക്കുള്ള വിസ ശരിയാക്കിത്തന്നത് എം. എ ബേബി: പൃഥ്വിരാജ്
എന്റര്ടെയിന്മെന്റ് ഡെസ്ക്
Monday, 7th April 2025, 12:30 pm
മലയാളത്തിലെ എക്കാലത്തെയും വലിയ വിജയത്തിലേക്ക് കുതിച്ചുകൊണ്ടിരിക്കുന്ന ചിത്രമാണ് എമ്പുരാന്. പൃഥ്വിരാജ്- മുരളി ഗോപി കൂട്ടുകെട്ടില് പുറത്തിറങ്ങിയ ചിത്രത്തില് മോഹന്ലാലാണ് നായകന്. റഷ്യ അടക്കമുള്ള വിദേശ രാജ്യങ്ങളിലാണ് എമ്പുരാന്റെ ചിത്രീകരണം നടന്നത്. മലയാളത്തില് നിര്മിച്ച ഏറ്റവും ചെലവേറിയ ചിത്രം കൂടിയാണ് എമ്പുരാന്.
എമ്പുരാന്റെ ചിത്രീകരണത്തിന്റെ ഭാഗമായി റഷ്യയിലേക്ക് പോയതിനെ കുറിച്ച് സംസാരിക്കുകയാണ് പൃഥ്വിരാജ്. മോഹന്ലാലിനോടും നിര്മാതാവ് ആന്റണി പെരുമ്പാവൂരിനോടും താന് റഷ്യക്ക് പോകുകയാണെന്നും അവിടെയെത്തി 48 മണിക്കൂറിനുള്ളില് തന്റെ കോള് വരികയാണെങ്കില് അടുത്ത ഫ്ലൈറ്റില് കയറി അങ്ങോട്ട് വരണമെന്നും പറഞ്ഞിട്ടുണ്ടായിരുന്നുവെന്ന് പൃഥ്വിരാജ് പറയുന്നു.
