ഡാര്‍ക്ക് ഹ്യൂമര്‍ ഇത്രയേറെ മികച്ച രീതിയില്‍ അവതരിപ്പിച്ച മലയാളചിത്രം ഈയടുത്തൊന്നും വന്നിട്ടില്ലെന്ന് തന്നെ പറയാം. നാട്ടിലെ വസ്തുവെല്ലാം വിറ്റ് രുഗ്മിണിയമ്മക്ക് നല്ലൊരു വീട് സ്വന്തമാക്കി കൊടുക്കുന്ന ശശിധരനെ കാണിച്ചുകൊണ്ട് സിനിമ ആരംഭിക്കുകയാണ്. ട്രെയ്‌ലറില്‍ കാണിച്ചതുപോലെ ആ കുടുംബത്തിന്റെ സ്വസ്ഥത ഇല്ലാതാക്കാനായി ക്ഷണിക്കപ്പെടാത്ത ഒരു അതിഥി വരികയും അയാളെ കൊല്ലേണ്ടി വരികയും ചെയ്യുന്നിടത്ത് ചിത്രം മറ്റൊരു ലെവലിലേക്ക് കടക്കുന്നു.