ആ സൂപ്പര്സ്റ്റാറിനെ വെച്ച് ഞാനൊരു സിനിമ ചെയ്യാന് പോവുകയാണെന്ന വാര്ത്ത ഞാനും കേട്ടു: ബേസില് ജോസഫ്
എന്റര്ടെയിന്മെന്റ് ഡെസ്ക്
Friday, 4th April 2025, 4:05 pm
സഹ സംവിധായകനായി കടന്നുവന്ന് മലയാളികള്ക്ക് ജനപ്രിയനായ സംവിധായകനും നടനുമായ വ്യക്തിയാണ് ബേസില് ജോസഫ്. കുഞ്ഞിരാമായണം, ഗോദ, മിന്നല് മുരളി എന്നിങ്ങനെ മൂന്ന് ചിത്രങ്ങളിലൂടെ തന്നെ മികച്ച സംവിധായകന് എന്ന രീതിയില് വളരാന് അദ്ദേഹത്തിന് സാധിച്ചിട്ടുണ്ട്. 2021ല് പുറത്തുവന്ന മിന്നല് മുരളി അദ്ദേഹത്തിന് അന്യഭാഷകളിലും ഏറെ ശ്രദ്ധ നേടി കൊടുത്തിരുന്നു. ഈ വര്ഷമിറങ്ങിയ പൊന്മാന് എന്ന ചിത്രം ബേസിലിലെ നടനെ അടയാളപ്പെടുത്തുന്നതായിരുന്നു.
എനിക്ക് ഒരുപാട് ഇഷ്ടമുള്ള നടനാണ് സൂര്യ – ബേസില്
നടന് സൂര്യയെ വെച്ച് താനൊരു സിനിമ ചെയ്യാന് പോവുകയാണെന്ന വാര്ത്തയില് സത്യമില്ലെന്ന് പറയുകയാണ് ബേസില് ജോസഫ്. തനിക്ക് ഒരുപാട് ഇഷ്ടമുള്ള നടനാണ് സൂര്യയെന്നും എന്നാല് അദ്ദേഹത്തെ വെച്ച് താനൊരു സിനിമ സംവിധാനം ചെയ്യുന്നുവെന്ന വാര്ത്ത തെറ്റാണെന്നും ബേസില് പറയുന്നു.
