ജയിലില്‍ ഇരുന്ന് ഭക്ഷണം കഴിക്കാം,ചെന്നൈയിലേക്ക് പോരൂ
Delicious
ജയിലില്‍ ഇരുന്ന് ഭക്ഷണം കഴിക്കാം,ചെന്നൈയിലേക്ക് പോരൂ
ന്യൂസ് ഡെസ്‌ക്
Tuesday, 19th March 2019, 11:08 pm

ജയിലില്‍ പോകാന്‍ ആര്‍ക്കും താല്‍പ്പര്യം കാണില്ല. എന്നാല്‍ ഒരു ജയിലിന്റെ അന്തരീക്ഷത്തില്‍ ഒരു നേരമിരുന്ന് ഭക്ഷണം കഴിക്കാന്‍ ആഗ്രഹമുണ്ടെങ്കില്‍ പറ്റിയൊരു ഓപ്ഷനുണ്ട്. പക്ഷെ കൊല്‍ക്കത്തയിലോ,ചെന്നൈയിലോ എത്തണമെന്ന് മാത്രം.

ഹോട്ടലിന്റെ പേര് “കൈദി കിച്ചന്‍”. 2014 ല്‍ ആരംഭിച്ച ഈ റസ്റ്റോറന്റിലേക്ക് പ്രവേശിക്കുന്നത് തന്നെ ജയില്‍ കവാടം പോലെയുള്ള വാതിലിലൂടെയാണ്. ഭക്ഷണമുറികളാണെങ്കില്‍ ജയിലറകള്‍ പോലെയും. എന്നാല്‍ മേശയും കസേരയുമൊക്കെയുണ്ട് കേട്ടോ. കൂടാതെ വിശാലമായ ഡൈനിങ് ഏരിയയും ഉണ്ട്.

ഭക്ഷണത്തിനായി സെല്ലില്‍ വെയിറ്റ് ചെയ്യുമ്പോള്‍ ഓര്‍ഡര്‍ എടുക്കാനെത്തുന്നവര്‍ പോലീസ് യൂനിഫോമിലായിരിക്കും. പക്ഷെ നാടന്‍ ഭക്ഷണങ്ങളൊന്നും ഈ ജയിലില്‍ കിട്ടില്ല. പകരം നോര്‍ത്ത് ഇന്ത്യന്‍,മെക്‌സിക്കന്‍,ഇറ്റാലിയന്‍,മംഗോളിയന്‍,ചൈനീസ്,ലബനീസ്, തായ് തുടങ്ങിയ വിവിധ രാജ്യത്തെ ഐറ്റങ്ങളാണ് മെനുവിലുള്ളത്. വിലയല്‍പ്പം പൊള്ളും. 1000 മുതല്‍ 1500 രൂപ വേണം രണ്ടാള്‍ക്ക് ഈ ഹോട്ടലില്‍ നിന്ന് ഭക്ഷണം കഴിക്കാന്‍.

ഭക്ഷണം ഓര്‍ഡറിന് ശേഷം സെര്‍വ് ചെയ്യാനെത്തുന്നത് ജയില്‍പ്പുള്ളികളായിരിക്കും.ആകെമൊത്തം ഒരു ജയില്‍മയം എന്ന് പറയാം. ഫുഡിനിടെ കുറച്ച് സെല്‍ഫിയൊക്കെ എടുത്ത് മടങ്ങാം. ചെന്നൈയില്‍ മൈലാപ്പൂരിലാണ് ഈ റസ്റ്റോറന്റ് സ്ഥിതി ചെയ്യുന്നത്. ഉച്ചയ്ക്ക് 12 മുതല്‍ വൈകീട്ട് 3.30 വരെയും ,രാത്രി 7 മുതല്‍ 10.30 വരെയുമാണ് ഈ ജയില്‍ ഹോട്ടല്‍ പ്രവര്‍ത്തിക്കുന്നത്.