![?php echo $post['title']; ?>](https://assets.doolnews.com/w/900x473/2026/01/wpl-1.jpg)
വനിതാ പ്രീമിയര്‍ ലീഗ് നാലാം സീസണിലെ ഉദ്ഘാടന മത്സരത്തില്‍ മുംബൈ ഇന്ത്യന്‍സും റോയല്‍ ചലഞ്ചേഴ്സ് ബെംഗളൂരുവും ഏറ്റുമുട്ടുകയാണ്. മുംബൈയിലെ ഡി. വൈ. പാട്ടീല്‍ സ്റ്റേഡിയത്തിലാണ് ഈ മത്സരം അരങ്ങേറുന്നത്. മത്സരത്തില്‍ മുംബൈ ഇന്ത്യന്‍സ് നാല് വിക്കറ്റിന് 112 റണ്‍സ് എടുത്തിട്ടുണ്ട്.
നിലവില്‍ 19 പന്തില്‍ 21 റണ്‍സെടുത്ത നിക്കോള കാരിയും 14 പന്തില്‍ 25 റണ്‍സെടുത്ത സജ്‌ന സജീവനുമാണ് ക്രീസിലുള്ളത്. മത്സരത്തില്‍ ഭേദപ്പെട്ട തുടക്കം ലഭിച്ച മുംബൈ പിന്നീട് തകരുകയായിരുന്നു.
The first wicket of #TATAWPL 2026! 😎
Lauren Bell gets her reward ⚡️
Mumbai Indians lose Amelia Kerr’s wicket
Updates ▶️ https://t.co/IWU1URl1fr#KhelEmotionKa | #MIvRCB | @RCBTweets pic.twitter.com/o3mgkZZ34B
— Women’s Premier League (WPL) (@wplt20) January 9, 2026
ടീമിന്റെ ടോപ് ഓര്‍ഡറില്‍ ജി. കമാലിനി മാത്രമാണ് മികച്ച പ്രകടനം നടത്തിയത്. താരം 28 പന്തില്‍ 32 റണ്‍സാണ് സ്‌കോര്‍ ചെയ്തത്. ക്യാപ്റ്റന്‍ ഹര്‍മന്‍പ്രീത് 17 പന്തില്‍ 20 റണ്‍സും സംഭാവന ചെയ്തു. മറ്റ് രണ്ട് താരങ്ങള്‍ക്കും കാര്യമായി സംഭാവന ചെയ്യാനായില്ല.
ആര്‍.സി.ബിക്കായി നാദിന്‍ ഡി ക്ലാര്‍ക്ക് രണ്ട് വിക്കറ്റ് വീഴ്ത്തി. ലൗറേന്‍ ബെല്ലും ശ്രേയങ്ക പാട്ടീലും ഓരോ വിക്കറ്റുകള്‍ വീതം സ്വന്തമാക്കി.
അതേസമയം, മത്സരത്തില്‍ ടോസ് നേടിയ റോയല്‍ ചലഞ്ചേഴ്സ് ബെംഗളൂരു മുംബൈയെ ബാറ്റിങ്ങിന് അയക്കുകയായിരുന്നു. ജയത്തോടെ സീസണ്‍ തുടങ്ങുക എന്ന ഒറ്റ മന്ത്രത്തിലാണ് ഇരു ടീമുകളും ഉദ്ഘാടന മത്സരത്തില്‍ ഇറങ്ങിയിരിക്കുന്നത്.
മുംബൈ ഇന്ത്യന്‍സ്
ഹര്‍മന്‍പ്രീത് കൗര്‍ (ക്യാപ്റ്റന്‍), നാറ്റ് സിവര്‍ ബ്രണ്ട്, ജി. കമാലിനി, അമേലിയ കെര്‍, അമന്‍ജോത് കൗര്‍, നിക്കോള കാരി, പൂനം ഖേംനാര്‍, ശബ്‌നം ഇസ്മായില്‍, സംസ്‌കൃതി ഗുപ്ത, സജ്‌ന സജീവന്‍, സയ്ക ഇഷ്ഹാഖ്
റോയല്‍ ചലഞ്ചേഴ്സ് ബെംഗളൂരു
സ്മൃതി മന്ഥാന (ക്യാപ്റ്റന്‍), ഗ്രേസ് ഹാരിസ്, ദയലന്‍ ഹേമലത, റിച്ച ഘോഷ്, രാധ യാദവ്, നാദിന്‍ ഡി ക്ലര്‍ക്ക്, അരുന്ധതി റെഡ്ഡി, ശ്രേയങ്ക പാട്ടീല്‍, പ്രേമ റാവത്, ലിന്‍സേയ് സ്മിത്, ലൗറേന്‍ ബെല്‍
Content Highlight: WPL : Royal Challengers Bengaluru holds on; Mumbai Indians falters in Mumbai
