പോക്കിരിരാജക്കും മധുരരാജക്കും ശേഷമെത്തുന്ന ന്യൂയോര്‍ക്ക്; സിനിമയെക്കുറിച്ച് മാത്രമല്ല മമ്മൂക്കയെക്കുറിച്ചും വൈശാഖ് പറയുന്നു
എന്റര്‍ടെയിന്‍മെന്റ് ഡെസ്‌ക്
Saturday, 19th September 2020, 8:26 am
കൊച്ചി: പോക്കിരിരാജ, മധുരരാജ എന്നീ മെഗാഹിറ്റുകള്‍ക്ക് ശേഷം സംവിധായകന്‍ വൈശാഖും മമ്മൂട്ടിയും ഒരുമിക്കുന്ന ചിത്രമാണ് ന്യൂയോര്‍ക്ക്. മമ്മൂട്ടിയുടെ ജന്മദിനത്തോട് അനുബന്ധിച്ച് മമ്മൂട്ടി ടൈംസ് ഒരുക്കിയ വീഡിയോയില്‍ വൈശാഖ് ന്യൂയോര്‍ക്കിനെക്കുറിച്ചും മമ്മൂട്ടിയെക്കുറിച്ചും സംസാരിച്ചതാണ് ശ്രദ്ധേയമാവുന്നത്.
താരം എന്ന നിലയില്‍ മാത്രമല്ല വ്യക്തി എന്ന നിലയിലും അത്ഭുതപ്പെടുത്തിയിട്ടുള്ള വ്യക്തിയാണ് മമ്മൂട്ടിയെന്ന് വൈശാഖ് പറഞ്ഞു. ‘ഒരു നല്ല മനുഷ്യന്‍ എങ്ങനെ എന്നതിന്റെ അപൂര്‍വ്വ ഉദാഹരണമാണ് മമ്മൂക്ക. അദ്ദേഹത്തോടൊപ്പം ചെയ്തിട്ടുള്ള ഓരോ സിനിമയും തനിക്ക് നല്ല സമയവും കൂടുതല്‍ ത്രില്ലുമാണ് സമ്മാനിച്ചിട്ടുള്ളത്’, വൈശാഖ് പറഞ്ഞു.
