മോഹന്‍ലാലിന്റെയും മമ്മൂട്ടിയുടെയും ഇത്തരം കഥാപാത്രങ്ങളാണ് ഇഷ്ടം; മലയാള സിനിമയെ കുറിച്ച് വിജയ്
എന്റര്‍ടെയിന്‍മെന്റ് ഡെസ്‌ക്
Tuesday, 3rd August 2021, 6:26 pm
മലയാള സിനിമയെ കുറിച്ച് മനസ് തുറന്ന് നടന്‍ വിജയ്. മലയാളത്തില്‍ തനിക്ക് ഇഷ്ടപ്പെട്ട ഘടകങ്ങളെ കുറിച്ചും നടന്മാരെ കുറിച്ചും സംവിധായകരെ കുറിച്ചും വിജയ് ഒരു അഭിമുഖത്തില്‍ സംസാരിക്കുന്ന വീഡിയോ കഴിഞ്ഞ ദിവസങ്ങളിലാണ് വീണ്ടും സോഷ്യല്‍ മീഡിയയില്‍ ചര്‍ച്ചയായത്.
മലയാള സിനിമകള്‍ വളരെ റിയലിസ്റ്റാകാണെന്ന് പറഞ്ഞ വിജയ്, മോഹന്‍ലാലിന്റെയും മമ്മൂട്ടിയുടെയും തനിക്ക് ഇഷ്ടപ്പെട്ട കഥാപാത്രങ്ങളെ കുറിച്ചും അഭിമുഖത്തില്‍ സംസാരിക്കുന്നുണ്ട്.
മലയാളത്തില്‍ തനിക്ക് ഏറെ പ്രിയപ്പെട്ട സംവിധായകന്‍ സിദ്ദിഖാണെന്നും അദ്ദേഹത്തിന്റെ ചിത്രമായ ഫ്രണ്ട്‌സിലെ തമാശകളോര്‍ത്ത് താനിപ്പോഴും ചിരിക്കാറുണ്ടെന്നും വിജയ് പറഞ്ഞു.
‘മലയാള സിനിമകള്‍ യാഥാര്‍ത്ഥ്യത്തോട് ചേര്‍ന്ന് നില്‍ക്കുന്നതാണ്. വളരെ റിയലിസ്റ്റികാണ്. അതാണ് എനിക്ക് മലയാള സിനിമകളില്‍ ഏറ്റവും ഇഷ്ടപ്പെട്ടത്.
