റയല്‍ - ബെന്‍ഫിക്ക പോരില്‍ ഈ ടൂര്‍ണമെന്റിനെ മറക്കല്ലേ... കൊമ്പന്‍ ടീമുകള്‍ വമ്പന്‍ പോരിന്, പ്ലേ ഓഫ് ലൈനപ്പ് തയ്യാര്‍

യുവേഫ യൂറോപ്പ ലീഗ് രണ്ടാം ഘട്ട പോരാട്ടങ്ങള്‍ക്ക് കളമൊരുങ്ങുന്നു. മാച്ച് ഡേ 8ന് ശേഷം എട്ട് ടീമുകള്‍ നേരിട്ട് റൗണ്ട് ഓഫ് സിക്സ്റ്റീനിന് യോഗ്യത നേടി. യുവേഫ ചാമ്പ്യന്‍സ് ലീഗ് പോലെ ഒന്ന് മുതല്‍ എട്ട് സ്ഥാനങ്ങള്‍ വരെയുള്ള ടീമുകളാണ് നേരിട്ട് പ്രീ ക്വാര്‍ട്ടറിലേക്ക് കടന്നത്.

ഒമ്പത് മുതല്‍ 24 വരെ സ്ഥാനങ്ങളില്‍ ഇടം നേടിയ ടീമുകള്‍ റൗണ്ട് ഓഫ് സിക്‌സ്റ്റീന്‍ സ്ഥാനത്തിനായി പ്ലേ ഓഫ് മത്സരങ്ങള്‍ കളിക്കും. ലാലിഗ, പ്രീമിയര്‍ ലീഗ്, സീരി എ, ലിഗ പോര്‍ച്ചുഗല്‍, ബുണ്ടസ് ലീഗ അടക്കമുള്ള യൂറോപ്യന്‍ ഫുട്‌ബോളിലെ മികച്ച ടീമുകളാണ് യൂറോപ്പ ലീഗ് കിരീടം ലക്ഷ്യമിട്ട് ഓടിയടുക്കുന്നത്.

യൂറോപ്പ ലീഗ് കിരീടം. Photo: UEFA

മാച്ച് ഡേ 8 അവസാനിക്കുമ്പോള്‍ ഫ്രഞ്ച് വമ്പന്‍മാരായ ലിയോണാണ് പട്ടികയില്‍ ഒന്നാമത്. എട്ട് മത്സരത്തില്‍ നിന്നും ഏഴ് ജയവും ഒരു തോല്‍വിയുമായി 21 പോയിന്റാണ് ടീമിനുള്ളത്.

രണ്ടാമതുള്ള ആസ്റ്റണ്‍ വില്ലയ്ക്കും എട്ട് മത്സരത്തില്‍ നിന്നും ഏഴ് ജയവും ഒരു തോല്‍വിയുമായി 21 പോയിന്റാണുള്ളത്. ഗോള്‍ വ്യത്യാസമാണ് വില്ലന്‍മാരെ രണ്ടാം സ്ഥാനത്തേക്ക് തള്ളിയിട്ടത്.

എഫ്.സി മിഡ്ജിലാന്‍ഡ്, റയല്‍ ബെറ്റിസ്, പോര്‍ട്ടോ, ബ്രാഗ, എസ്.സി ഫ്രീബെര്‍ഗ്, എ.എസ്. റോമ എന്നിവരാണ് ആദ്യ എട്ടില്‍ ഇടം പിടിച്ച മറ്റ് ടീമുകള്‍.

ബോള്‍ഗോണ, ഫെര്‍ണബാഷ്, സെല്‍റ്റ വിഗോ, നോട്ടിങ്ഹാം ഫോറസ്റ്റ്, ലില്ലെ, ഡൈനാമോ സാഗ്രെബ് അടക്കമുള്ള ടീമുകളാണ് പ്ലേ ഓഫ് കളിച്ച് റൗണ്ട് ഓഫ് സിക്‌സ്റ്റീന്‍ സ്ഥാനം ലക്ഷ്യമിടുന്നത്.

യുവേഫ യൂറോപ്പ ലീഗ് 2025-26

റൗണ്ട് ഓഫ് സിക്സ്റ്റീനിന് യോഗ്യത നേടിയ ടീമുകള്‍ (പോയിന്റ് പട്ടികയിലെ ഒന്ന് മുതല്‍ എട്ട് വരെ സ്ഥാനക്കാര്‍)

• ലിയോണ്‍
• ആസ്റ്റണ്‍ വില്ല
• മിഡ്ജിലാന്‍ഡ്
• റയല്‍ ബെറ്റിസ്
• പോര്‍ട്ടോ
• ബ്രാഗ
• എസ്.സി ഫ്രീബെര്‍ഗ്
• എ.എസ്. റോമ

പ്ലേ ഓഫിന് യോഗ്യത നേടിയ ടീമുകള്‍ (പോയിന്റ് പട്ടികയിലെ ഒമ്പത് മുതല്‍ 24 വരെ സ്ഥാനക്കാര്‍)

• കെ.ആര്‍.സി ജെങ്ക്
• ബോള്‍ഗോണ
• വി.എഫ്.ബി സ്റ്റുട്ഗാര്‍ട്ട്
• ഫെറന്‍വറോസി ടി.സി
• നോട്ടിങ്ഹാം ഫോറസ്റ്റ്
• എഫ്.സി വിക്ടോറിയ പ്ലാസെന്‍
• എഫ്.കെ ക്രവേന സ്വെസ്ദ
• സെല്‍റ്റ വിഗോ
• പാവോക് എഫ്.സി
• ലില്ലെ
• ഫെര്‍ണബാഷ്
• പനാതിനായികോസ് എഫ്.സി
• സെല്‍റ്റിക് എഫ്.സി
• പി.എഫ്.സി ലുഡോഗോരെറ്റെസ് റാസ്ഗ്രാഡ്
• ഡൈനാമോ സാഗ്രെബ്
• എസ്.കെ. ബ്രാന്‍

പുറത്തായ ടീമുകള്‍ (പോയിന്റ് പട്ടികയിലെ 24 മുതല്‍ 36 വരെ സ്ഥാനക്കാര്‍)

• യങ് ബോയ്‌സ്
• എസ്.കെ സ്‌റ്റേം ഗ്രാസ്
• എഫ്.സി.എസ്.ബി
• ഗോ എഹെഡ് ഈഗിള്‍സ്
• ഫെയ്‌നൂര്‍ഡ് റോട്ടര്‍ഡാം
• എഫ്.സി ബേസെല്‍
• റെഡ് ബുള്‍ സാല്‍സ്‌ബെര്‍ഗ്
• റേഞ്ചേഴ്‌സ് എഫ്.സി
• നൈസ്
• എഫ്.സി യൂട്രെക്ട്
• മാല്‍മോ എഫ്.എഫ്
• മക്കാബി ടെല്‍ അവീവ് എഫ്.സി

പ്ലേ ഓഫ് മത്സരങ്ങള്‍

1. സെല്‍റ്റ വിഗോ vs പാവോക്
2. ബോള്‍ഗോണ vs എസ്.കെ. ബ്രാന്‍
3. ഡൈനാമോ സാഗ്രെബ് vs കെ.ആര്‍.സി ജെങ്ക്
4. നോട്ടിങ്ഹാം ഫോറസ്റ്റ് vs ഫെര്‍ണബാഷ്
5. പി.എഫ്.സി ലുഡോഗോരെറ്റെസ് റാസ്ഗ്രാഡ് vs ഫെറന്‍വറോസി ടി.സി
6. ലില്ലെ vs ക്രെവേന സ്വെസ്ദ
7. സെല്‍റ്റിക് എഫ്.സി vs വി.എഫ്.ബി സ്റ്റുട്ഗാര്‍ട്ട്
8. വിക്ടോറിയ പ്ലാസെന്‍ vs പനാതിനായികോസ് എഫ്.സി

Content Highlight: UEFA Europa League. Play off matches