'ഇറങ്ങി വാ പൊലീസേ...' വേറെ ലെവല് ട്രെയ്ലറുമായി ടൊവിനോയുടെ നരിവേട്ട
എന്റര്ടെയിന്മെന്റ് ഡെസ്ക്
Thursday, 24th April 2025, 9:58 pm
ടൊവിനോ തോമസ് നായകനായി എത്തുന്ന ഏറ്റവും പുതിയ ചിത്രമാണ് നരിവേട്ട. ചിത്രത്തിന്റെ ഓരോ അപ്ഡേഷനും വേണ്ടിയുള്ള കാത്തിരിപ്പിലായിരുന്നു സിനിമാപ്രേമികള്.
ഇപ്പോള് നരിവേട്ടയുടെ ഒഫീഷ്യല് ട്രെയ്ലര് പുറത്തുവിട്ടിരിക്കുകയാണ് അണിയറപ്രവര്ത്തകര്. അനുരാജ് മനോഹര് സംവിധാനം ചെയ്ത ചിത്രത്തിന്റെ ട്രെയ്ലര് റിലീസ് ചെയ്തത് ദുല്ഖര് സല്മാനാണ്.
യഥാര്ത്ഥ സംഭവങ്ങളില് നിന്നും ചില പൊലീസ് കേസുകളുമായുള്ള ഏതാനും സാമ്യതകളും സിനിമയ്ക്കുണ്ടെന്നാണ് സൂചന. സംവിധായകന് അനുരാജ് മനോഹറിന്റെ മുന് സിനിമയില് നിന്ന് തീര്ത്തും വ്യത്യസ്തമായിരിക്കും നരിവേട്ട എന്നാണ് ട്രെയ്ലറില് നിന്ന് വ്യക്തമാകുന്നത്.
വര്ഗീസ് പീറ്റര് എന്ന പൊലീസ് കോണ്സ്റ്റബിളായിട്ടാണ് ടൊവിനോ തോമസ് എത്തുന്നത്. ഹെഡ് കോണ്സ്റ്റബിള് ബഷീര് അഹമ്മദ് ആയി സുരാജ് വെഞ്ഞാറമൂടും എത്തുന്നു.
