സി.പി.ഐ.എം-എസ്.ഡി.പി.ഐ അവിശുദ്ധ കൂട്ടുകെട്ട് ജനങ്ങള് പുറംകാലുകൊണ്ട് തട്ടിയെറിഞ്ഞു: കെ.കെ. രമ
ഡൂള്ന്യൂസ് ഡെസ്ക്
Saturday, 13th December 2025, 12:49 pm
കോഴിക്കോട്: തദ്ദേശ തെരഞ്ഞെടുപ്പില് സി.പി.ഐ.എം-എസ്.ഡി.പി.ഐ അവിശുദ്ധ കൂട്ടുകെട്ടുണ്ടായെന്ന് ആര്.എം.പി നേതാവും വടകര എം.എല്.എയുമായ കെ.കെ. രമ. ചിലിയിടത്ത് പരസ്യമായി ബി.ജെ.പിയെയും കൂട്ടുപിടിച്ചെന്നും രമ ആരോപിച്ചു.
എല്.ഡി.എഫിന് ഈ തിരിച്ചടിയുണ്ടാവാന് കാരണം അവിശുദ്ധ കൂട്ടുകെട്ടാണ്. തിരുവനന്തപുരം കോര്പ്പറേഷനിലടക്കം ഈ കൂട്ടുകെട്ട് തുടര്ന്നു. അഴിയൂര്, ഒഞ്ചിയം പഞ്ചായത്തുകളില് സി.പി.ഐ.എമ്മും എസ്.ഡി.പി.ഐയും ബി.ജെ.പിയും കൂട്ടുകെട്ടുണ്ടാക്കിയാണ് തെരഞ്ഞെടുപ്പ് പ്രചാരണമടക്കം നടത്തിയത്.
