തമിഴ്നാട്ടില് മലയാളി പ്രതികളെ പിടിക്കാന് മഹാരാഷ്ട്ര പൊലീസ്; ഭാവന സ്റ്റുഡിയോസിന്റെ തങ്കം ട്രെയ്ലര് പുറത്തിറങ്ങി
എന്റര്ടെയിന്മെന്റ് ഡെസ്ക്
Tuesday, 17th January 2023, 8:11 pm
ഭാവന സ്റ്റുഡിയോസിന്റെ ബാനറില് സഹീദ് അരാഫത്ത് സംവിധാനം ചെയ്യുന്ന പുതിയ ചിത്രം തങ്കത്തിന്റെ ട്രെയ്ലര് പുറത്തിറങ്ങി. ജോജിക്കു ശേഷം ശ്യാം പുഷ്കരന് തിരക്കഥയൊരുക്കുന്ന ചിത്രത്തില് ബിജു മേനോന്, വിനീത് ശ്രീനിവാസന്, അപര്ണ ബാലമുരളി, ഗിരീഷ് കുല്ക്കര്ണി എന്നിവരാണ് പ്രധാന വേഷങ്ങളില് എത്തുന്നത്. ഒരു ത്രില്ലര് ചിത്രമായിരിക്കുമെന്ന സൂചനയാണ് തങ്കത്തിന്റെ ട്രെയ്ലര് തരുന്നത്. ജനുവരി 26ന് ചിത്രം തിയേറ്ററുകളില് എത്തും.
സ്വര്ണാഭരണങ്ങള് നിര്മിക്കുകയും ജ്വല്ലറികളില് എത്തിക്കുകയും ചെയ്യുന്ന യുവാക്കളായിട്ടാണ് ബിജു മേനോനും വിനീതും ചിത്രത്തില് എത്തുന്നത്.
വിനീത് തട്ടില്, ശ്രീകാന്ത് മുരളി, കൊച്ചു പ്രേമന് തുടങ്ങിയവരും നിരവധി മറാത്തി, ഹിന്ദി, തമിഴ് അഭിനേതാക്കളും പ്രധാന കഥാപാത്രങ്ങളാവുന്നുണ്ട്.
