തന്നെ കണ്ട സന്തോഷത്തില്‍ തുള്ളിച്ചാടിയ മലയാളി ആരാധകരെ തിരഞ്ഞ് സണ്ണി ലിയോണി

തന്നെ കണ്ട സന്തോഷത്തില്‍ ബോട്ടില്‍ നിന്ന് തുള്ളിച്ചാടിയ മലയാളി ആരാധകര്‍ ആരെന്ന് കണ്ടുപിടിക്കാന്‍ സഹായം അഭ്യര്‍ത്ഥിച്ച് നടി സണ്ണി ലിയോണി.

പൂവാര്‍ ഐലന്‍ഡില്‍ ബോട്ടില്‍ യാത്ര ചെയ്യുമ്പോള്‍ മറുവശത്ത് നിന്നും സണ്ണിയെ നോക്കി സന്തോഷം പ്രകടിപ്പിക്കുന്ന ആരാധകരുടെ ചിത്രം ഇന്‍സ്റ്റഗ്രാമില്‍ പോസ്റ്റ് ചെയ്തുകൊണ്ടാണ് നടി സഹായം തേടുന്നത്.

ഈ ചിത്രം പ്രചരിപ്പിച്ച് ഈ ആരാധകരെ കണ്ടെത്താന്‍ എന്നെ സഹായിക്കുക, അതുവഴി എനിക്ക് അവരെ സന്തോഷിപ്പിക്കാനാകും എന്ന് സണ്ണി കുറിച്ചു. തിരുവനന്തപുരം പൂവാര്‍ സ്വദേശികളായ യുവാക്കളാണ് ചിത്രത്തില്‍.