കോഴിക്കോട്: സി.പി.ഐ.എം നേതാക്കന്മാരിലെ മുസ്‌ലിം നാമധാരികളെ തെരഞ്ഞുപിടിച്ച് വര്‍ഗീയ പരാമര്‍ശവുമായി ആര്‍.എസ്.എസ് സൈദ്ധാന്തികന്‍ ടി.ജി. മോഹന്‍ദാസ്. സി.പി.ഐ.എമ്മില്‍ മുസ്‌ലിങ്ങള്‍ ആധിപത്യമുറപ്പിക്കുന്നുവെന്ന പ്രചരണമാണ് ചില പേരുകള്‍ ഉദാഹരിച്ച് ടി.ജി. മോഹന്‍ദാസ് നടത്തുന്നത്.
ഇരവിപുരം എം.എല്‍.എ എന്‍. നൗഷാദിന്റെ കീഴിലാണ് കൊല്ലം ജില്ലയിലെ സി.പി.ഐ.എം എന്നും ആലപ്പുഴയെ അമ്പലപ്പുഴ എം.എല്‍.എ എച്ച്. സലാമാണ് നിയന്ത്രിക്കുന്നതെന്നും, എറണാകുളം ജില്ല എം.എല്‍.എ പോലുമല്ലാത്ത സാക്കിര്‍ ഹുസൈന്റെ കാല്‍ക്കീഴിലാണെന്നും ഇയാള്‍ പറഞ്ഞു.
കൊല്ലത്തെ സിപിഎം നൗഷാദ് എന്ന എംഎൽഎയുടെ കീഴിലാണ്. ആലപ്പുഴ സിപിഎം സലാം എന്ന എംഎൽഎയുടെ കീഴിൽ! എറണാകുളം സിപിഎം, എംഎൽഎ പോലുമല്ലാത്ത സാക്കിർ ഹുസൈൻ്റെ കാൽക്കീഴിൽ ആണ്..
അങ്ങനെ ഒന്നൊന്നായി… ഒന്നൊന്നായി.. ആഹാ 🤭— TG Mohandas (@mohandastg) March 17, 2023
