ഇതിനെല്ലാം പുറമെ മറ്റൊരു റെക്കോഡും ബെംഗളൂരു ലക്ഷ്യംവെക്കുന്നുണ്ട്. തുടര്ച്ചയായി രണ്ടാം കിരീടം നേടുക എന്ന സ്വപ്നതുല്യ നേട്ടം തന്നെയാണ് രജത് പാടിദാറും സംഘവും ലക്ഷ്യമിടുന്നത്.
ഐ.പി.എല് ചരിത്രത്തില് നിലവില് രണ്ടേ രണ്ട് ടീമുകള്ക്കാണ് കിരീടം നിലനിര്ത്താന് സാധിച്ചത്. അത് ചെന്നൈ സൂപ്പര് കിങ്സും മുംബൈ ഇന്ത്യന്സുമാണ്.
2010, 2011 എന്നീ വര്ഷങ്ങളിലാണ് ചെന്നൈ തുടര്ച്ചയായി കിരീടമുയര്ത്തിയത്. ഇതിഹാസ താരം എം.എസ്. ധോണിക്ക് കീഴിലായിരുന്നു ചെന്നൈയുടെ കിരീടനേട്ടം.
രജതിന്റെ കീഴില് ബെംഗളൂരു കിരീടം നിലനിര്ത്തുമെന്ന് തന്നെയാണ് ആരാധകരും പ്രതീക്ഷിക്കുന്നത്. ആദ്യ ക്വാളിഫയറില് ഗുജറാത്തിനെ മുട്ടുകുത്തിച്ചാണ് ബെംഗളൂരു ഫൈനലിലേക്ക് ചേക്കേറിയത്. എന്നാല് രണ്ടാം ക്വാളിഫയറില് രാജസ്ഥാനെതിരെ കിടിലന് വിജയവുമായിട്ടാണ് ഗുജറാത്ത് ഫൈനല് ടിക്കറ്റ് എടുത്തത്.
Content Highlight: Royal Challengers Bengaluru Need Victory In IPL 2026 For Create A Great Record Achievement
