ന്യൂസിലാന്ഡിന് എതിരെ നടക്കുന്ന ഏകദിന പരമ്പരയാണ് ഇന്ത്യന് ടീമിന് മുന്നിലുള്ള പുതിയ പരീക്ഷണം. ഇതിനായുള്ള ടീമിനെ പ്രഖ്യാപിച്ചപ്പോള് അര്ഹതപ്പെട്ട പലര്ക്കും അവസരം ലഭിച്ചില്ലെന്ന വിമര്ശനം ഉയര്ന്നിരുന്നു. അതില് ഒരാളാണ് ചെന്നൈ സൂപ്പര് കിങ്സ് താരം ഋതുരാജ് ഗെയ്ക്വാദ്.
ഇപ്പോള് ഗെയ്ക്വാദിനെ കുറിച്ച് സംസാരിക്കുകയാണ് മുന് ഇന്ത്യന് താരം റോബിന് ഉത്തപ്പ. നിര്ണായക സമയത്ത് ഗെയ്ക്വാദിന് ഫോം നഷ്ടമാവുന്നുവെന്നും ടീമില് ഇടം നേടാന് അവസരം മുതലാക്കേണ്ടതുണ്ടെന്നും അദ്ദേഹം പറഞ്ഞു.
റോബിന് ഉത്തപ്പ. Photo: ANI Digital/x.com
കരിയറില് വലിയ നേട്ടങ്ങള് ഉണ്ടാക്കണമെങ്കില് പ്രതിഭയ്ക്കൊപ്പം തന്നെ ശരിയായ സമയത്ത് ഫോമും ആവശ്യമാണെന്നും അദ്ദേഹം കൂട്ടിച്ചേര്ത്തു. തന്റെ യൂട്യൂബ് ചാനലില് സംസാരിക്കുകയായിരുന്നു ഉത്തപ്പ.
‘ഇന്ത്യന് ക്രിക്കറ്റില് അവസരങ്ങള് വരുമ്പോള് അത് മുതലാക്കുക എന്നത് പ്രധാനമാണ്. ഋതുരാജിന് പലപ്പോഴും നിര്ണായക ഘട്ടങ്ങളില് ഫോം നഷ്ടമാകുന്നുണ്ട്. അതൊരു തിരിച്ചടിയാണ്.
പലതവണ അവന് അവസരങ്ങള് ലഭിച്ചപ്പോള് ഫോം നിലനിര്ത്താനായില്ല. കരിയറില് വലിയ നേട്ടങ്ങള് ഉണ്ടാക്കാന് പ്രതിഭയ്ക്കൊപ്പം ശരിയായ സമയത്ത് ഫോമും ആവശ്യമാണ്,’ റോബിന് ഉത്തപ്പ പറഞ്ഞു.
ഋതുരാജ് ഗെയ്ക്വാദ്. Photo: Amardeep Kushwaha/x.com
ഗെയ്ക്വാദ് അവസാനം ഇന്ത്യക്കായി കളിച്ച മത്സരത്തില് സെഞ്ച്വറി നേടിയിരുന്നു. സൗത്ത് ആഫ്രിക്കയ്ക്ക് എതിരെയുള്ള രണ്ടാം മത്സരത്തിലായിരുന്നു ഇത്. ഇപ്പോള് ആഭ്യന്തര ക്രിക്കറ്റിലും താരം മികച്ച ഫോമിലാണ് ബാറ്റ് ചെയ്യുന്നത്. എന്നാല്, നാലാം നമ്പറില് ഇറങ്ങുന്ന ശ്രേയസ് അയ്യര് ടീമിലേക്ക് തിരിച്ചെത്തിയതോടെ താരത്തിന് ടീമില് അവസരം ലഭിക്കാതിരിക്കുകയായിരുന്നു.
ശുഭ്മന് ഗില് (ക്യാപ്റ്റന്), രോഹിത് ശര്മ, വിരാട് കോഹ്ലി, കെ.എല് രാഹുല് (വിക്കറ്റ് കീപ്പര്), ശ്രേയസ് അയ്യര്* (വൈസ് ക്യാപ്റ്റന്), വാഷിങ്ടണ് സുന്ദര്, രവീന്ദ്ര ജഡേജ, മുഹമ്മദ് സിറാജ്, ഹര്ഷിത് റാണ, പ്രസിദ്ധ് കൃഷ്ണ, കുല്ദീപ് യാദവ്, റിഷബ് പന്ത് (വിക്കറ്റ് കീപ്പര്), നിതീഷ് കുമാര് റെഡ്ഡി, അര്ഷ്ദീപ് സിങ്, യശസ്വി ജെയ്സ്വാള്
*ഫിറ്റ്നസ് ക്ലിയറന്സിന് വിധേയം
Content Highlight: Robin Uthappa says Ruturaj Gaikwad lose form at right time, which leading to omission from Indian cricket team
