ന്യൂസിലാന്ഡിന്റെ ഇന്ത്യന് പര്യടനത്തിലെ ഏകദിന പരമ്പരയ്ക്കുള്ള കാത്തിരിപ്പിലാണ് ആരാധകര്. ജനുവരി 11നാണ് മൂന്ന് മത്സരങ്ങളുടെ പരമ്പര ആരംഭിക്കുന്നത്. വഡോദരയാണ് ആദ്യ മത്സരത്തിന് വേദിയാകുന്നത്.
ഈ പരമ്പരയില് ഇന്ത്യന് ഇതിഹാസം രോഹിത് ശര്മയെ എണ്ണം പറഞ്ഞ റെക്കോഡുകള് കാത്തിരിക്കുന്നുണ്ട്. 50 ഓവര് ഫോര്മാറ്റില് മിന്നുന്ന ഫോമില് തുടരുന്ന മുന് നായകനെ കാത്തിരിക്കുന്നത് ഒന്നല്ല, രണ്ടല്ല മറിച്ച് എണ്ണം പറഞ്ഞ 11 റെക്കോഡുകളാണ്.
അന്താരാഷ്ട്ര തലത്തില് ഏകദിനത്തില് മാത്രമാണ് രോഹിത് കളിക്കുന്നത്. ടി-20 ലോകകപ്പ് വിജയത്തോടെ ഷോര്ട്ടര് ഫോര്മാറ്റില് നിന്ന് പടിയിറങ്ങിയതും, പല കാരണങ്ങള് കൊണ്ട് ടെസ്റ്റില് നിന്നും ‘പടിയിറക്കിയതും’ രോഹിത്തിന്റെ കുതിപ്പിനെ തളര്ത്തിയിട്ടില്ല. 2027 ലോകകപ്പ് ലക്ഷ്യമിട്ടാണ് ഹിറ്റ്മാന് ബാറ്റ് വീശുന്നത്.
ഇതിനൊപ്പം ഏറ്റവുമധികം ഏകദിന റണ്സ് നേടുന്ന താരങ്ങളില് ഇതിഹാസ താരങ്ങളായ ജാക് കാല്ലിസ്, ഇന്സമാം ഉള് ഹഖ് എന്നിവരെ മറികടക്കാനും ഹിറ്റ്മാന് അവസരമുണ്ട്. നിലവില് തുടരുന്ന മികച്ച ഫോമില് താരത്തിന് ഇതില് പല റെക്കോഡുകളും അനായാസം നേടാന് സാധിക്കുമെന്ന് തന്നെയാണ് ആരാധകര് ഉറച്ചുവിശ്വസിക്കുന്നത്.
Content Highlight: Records that Rohit Sharma can achieve against New Zealand
