പി.എം ശ്രീ വിവാദം; സമ്പൂര്ണ വിദ്യാഭ്യാസ ബന്ദ് പ്രഖ്യാപിച്ച് യു.ഡി.എസ്.എഫ്
ഡൂള്ന്യൂസ് ഡെസ്ക്
Monday, 27th October 2025, 7:40 pm
തിരുവനന്തപുരം: പി.എം ശ്രീയില് സര്ക്കാര് ഒപ്പുവെച്ചതിന് പിന്നാലെ തുടരുന്ന വിവാദങ്ങള്ക്കിടെ സംസ്ഥാനത്ത് വിദ്യാഭ്യാസ ബന്ദ് പ്രഖ്യാപിച്ച് കെ.എസ്.യുവും എം.എസ്.എഫും. ബുധനാഴ്ചയാണ് യു.ഡി.എസ്.എഫിന്റെ വിദ്യാഭ്യാസ ബന്ദ്.
പി.എം ശ്രീ പദ്ധതിയില് ഒപ്പുവച്ചതിന് സര്ക്കാരിനെതിരെ വലിയ വിമര്ശനമാണ് മുന്നണിയില് നിന്നുതന്നെ ഉയരുന്നത്. എല്.ഡി.എഫിലെ രണ്ടാമത് ഏറ്റവും വലിയ ഘടകകക്ഷിയായ സി.പി.ഐ സര്ക്കാരിനെതിരെയും സി.പി.ഐ.എമ്മിനെതിരെയും പരസ്യമായി രംഗത്തുവന്നിരുന്നു. പദ്ധതിയില് നിന്നും സര്ക്കാര് പിന്മാറണമെന്നാണ് സി.പി.ഐ നിലപാട്.
